പേര് വിക്കിപീഡിയ, പ്രായം പതിനെട്ട്‌

പേര് വിക്കിപീഡിയ, പ്രായം പതിനെട്ട്‌

വിജ്ഞാനവ്യാപനത്തിന്റെ പതിനെട്ട്‌ വര്‍ഷങ്ങള്‍ താണ്ടുന്നു സ്വതന്ത്രവിജ്ഞാനകോശമായ വിക്കിപീഡിയ. ലോകത്തിലെ ഏറ്റവും വലിയ സ്വതന്ത്രവിജ്ഞാനകോശമായി വളര്‍ന്ന വിക്കിപീഡിയ താണ്ടിയ അറിവിന്റെ ദൂരങ്ങള്‍ നിരവധിയാണ്. ഇന്ന് മുന്നൂറിനടുത്തു ഭാഷകളില്‍ അമ്പത്തൊന്നു ലക്ഷത്തിലധികം ലേഖനങ്ങളുമായി വിക്കിപീഡിയ വിവരസങ്കേതിക വിദ്യയുടെ ലോത്തു വിജ്ഞാനം വിളമ്പുകയാണ്. മലയാളം അടക്കം ഇരുപതിലധികം ഇന്ത്യന്‍ ഭാഷകളിലും വിക്കിപീഡിയ ലഭ്യമാണ്.

സ്വതന്ത്രവിജ്ഞാനകോശം എന്ന ആശയം ആദ്യം മുന്നോട്ടുവച്ചതു റിച്ചാര്‍ഡ് സ്റ്റാള്‍മാനായിരുന്നു. ആ ആശയത്തില്‍ നിന്നാണു വിക്കിപീഡിയ പിറവിയെടുക്കുന്നത്. അമെരിക്കന്‍ സ്വദേശിയായ ജിമ്മി വെയില്‍സും ലാറി സാങ്ങറുമാണു വിക്കിപീഡിയയുടെ ശില്‍പ്പികള്‍. വളരെ ചെറിയ തുടക്കമായിരുന്നു. പിന്നീടങ്ങോട്ട് അമ്പരിപ്പിക്കുന്ന വളര്‍ച്ചയായിരുന്നു. ഇന്ന് ആറു ലക്ഷത്തിലധികം പേരാണ് ഒരുദിവസം മാത്രം വിക്കിപീഡിയയുടെ താളുകള്‍ പരിശോധിക്കുന്നതെന്നു കണക്കുകള്‍ സൂചിപ്പിക്കുന്നു.

2002ലാണു മലയാളം വിക്കിപീഡിയയുടെ തുടക്കം. ആദ്യമൊക്കെ പുതിയ വിജ്ഞാനമാര്‍ഗത്തെ സ്വീകരിക്കാന്‍ മലയാളികള്‍ വിമുഖത കാണിച്ചു. എന്നാല്‍ വര്‍ഷങ്ങള്‍ക്കു ശേഷം മാറ്റം കണ്ടുതുടങ്ങി. കൂടുതല്‍ ലേഖനങ്ങള്‍ വിക്കിപീഡിയയില്‍ ഇടംപിടിച്ചു. കൂടാതെ മലയാളം ആര്‍ക്കും ഉപയോഗിക്കാം എന്ന സ്ഥിതി വന്നതോടെ സ്വീകാര്യത പതിന്മടങ്ങ് വര്‍ധിച്ചു. ഇന്നു മലയാളം വിക്കിപീഡിയയില്‍ അറുപതിനായിരത്തിലധികം ലേഖനങ്ങളുണ്ട്.

അറിവു തേടി ആധുനിക സാങ്കേതിക വിദ്യയുടെ സങ്കേതങ്ങള്‍ പരിശോധിക്കുക എന്നത് അധികമാരും ചിന്തിക്കാന്‍ പോലും മുതിരാതിരുന്ന കാലത്താണു വിക്കിപീഡിയക്കു തുടക്കം കുറിക്കുന്നത്. എന്നാല്‍ ഇനിയങ്ങോട്ട് ലോകത്തെ മനുഷ്യരുടെ ജീവിതത്തില്‍ വിവരസാങ്കേതിക വിദ്യ എത്രത്തോളം സ്വാധീനം ചെലുത്തുമെന്നു തിരിച്ചറിഞ്ഞുള്ള തുടക്കമായിരുന്നു. ആ തിരിച്ചറിവ് സത്യമാവുകയും ചെയ്തു.

Previous പഠനമുറി അരങ്ങായി : കഥാപാത്രങ്ങളായി അധ്യാപകനും
Next നീരജ് മാധവ് സംവിധായകനാകുന്നു

You might also like

Success Story

വിജയമന്ത്രം കഠിനപ്രയത്‌നം: എം.എ.യൂസഫലി

എം.എ യൂസഫലി എന്ന പേര് ചിലപ്പോള്‍ ആരും തിരച്ചറിഞ്ഞില്ലെങ്കിലും ലുലുമാള്‍ എന്ന പേര്‍ മലയാളികള്‍ക്ക് ഏറെ പരിചിതമാണ്. ഈ ലുലവിന്റെ സാരഥിയാണ് സാക്ഷാല്‍ എം.എ യൂസഫലി. ആയിരക്കണക്കിനാളുകള്‍ക്ക് തൊഴില്‍ അവസരങ്ങള്‍ നല്‍കിയും തന്റെ ബിസിനസ് സംരംഭങ്ങള്‍ വളര്‍ത്തിയും ഇദ്ദേഹം വിജയത്തിന്റെ പടവുകള്‍

Others

അരുണ്‍ ജെയ്റ്റ്‌ലിയുടെ കിഡ്‌നി തകരാറില്‍

കേന്ദ്രമന്ത്രി അരുണ്‍ ജെയ്റ്റ്‌ലിക്ക് കിഡ്‌നി സംബന്ധമായ അസുഖമെന്ന് റിപ്പോര്‍ട്ട്. കഴിഞ്ഞ പത്തു ദിവസമായി ധനമന്ത്രി അസുഖം മൂലം വിഷമിക്കുകയാണെന്നാണ് മിറര്‍ നൗ റിപ്പോര്‍ട്ട് ചെയ്യുന്നത്. 65കാരനായ ജെയ്റ്റ്‌ലി അടുത്തുതന്നെ എയിംസിലോ സിംഗപ്പൂരിലോ ശസ്ത്രക്രിയയ്ക്ക് വിധേയനായേക്കുമെന്ന് പിടിഐ റിപ്പോര്‍ട്ട് ചെയ്യുന്നു.   അസുഖം

NEWS

നിപാ വൈറസ് : ടൂറിസം മേഖലയില്‍ ആശങ്ക

നിപ വൈറസ് ബാധിച്ച് മരണം സംസ്ഥാനത്ത് സ്ഥിരീകരിച്ചതോടെ ടൂറിസം മേഖല ആശങ്കയിലായി. മണ്‍സൂണ്‍ കാല ടൂറിസം ആരംഭിക്കാനിരിക്കെ വിദേശികളേയും, സ്വദേശികളേയും നിപാ വൈറസ് ബാധയെക്കുറിച്ചുള്ള ഭയം സ്വാധീനിക്കാന്‍ ഇടയുണ്ടെന്ന് ഈ രംഗത്തെ വിദഗ്ധര്‍ ചൂണ്ടിക്കാട്ടുന്നു. ഇതിനുമുമ്പും ഇത്തരം സാഹചര്യങ്ങള്‍ കേരളാടൂറിസത്തിനു നേരിടേണ്ടി

0 Comments

No Comments Yet!

You can be first to comment this post!

Leave a Reply