അക്കൗണ്ട് ഹാക്ക് ചെയ്യപ്പെട്ടേക്കാം : ഫേസ്ബുക്കിലെ ആപ്ലിക്കേഷനുകളെക്കുറിച്ച്‌ മുന്നറിയിപ്പ്

അക്കൗണ്ട് ഹാക്ക് ചെയ്യപ്പെട്ടേക്കാം : ഫേസ്ബുക്കിലെ ആപ്ലിക്കേഷനുകളെക്കുറിച്ച്‌ മുന്നറിയിപ്പ്

നിങ്ങളോട് സാമ്യമുള്ള സിനിമാനടന്‍ ആരാണ്, അടുത്ത ജന്മത്തില്‍ ആരാവും, നിങ്ങളുടെ മരണം എങ്ങനെയായിരിക്കും….ഇങ്ങനെ സാമൂഹ്യ മാധ്യമത്തിന്റെ ചൂണ്ടയില്‍ ഇരയെ കൊത്തി കാത്തിരിക്കുന്ന നിരവധി ലിങ്കുകളുണ്ട്. ഒരു കൗതുകത്തിനു പുറത്ത് ഇവയിലൊക്കെ തല വച്ചു കൊടുക്കുന്നവരാണ് അധികവും. എന്നാല്‍ ഇതിനു പിന്നിലെ ചതിക്കുഴികളെക്കുറിച്ച് അധികം പേരും ബോധവാന്മാരല്ല. ഇത്തരം ലിങ്കുകളെക്കുറിച്ചു മുന്നറിയിപ്പ് നല്‍കിയിരിക്കുന്നു കേരള പൊലീസ്.

 

കേരള പൊലീസിന്റെ ഫേസ്ബുക്ക് പേജിലെ മുന്നറിയിപ്പിന്റെ പൂര്‍ണരൂപം :-

 

ഫേസ്ബുക്കിലെ പ്രവചനങ്ങളിൽ
പരീക്ഷണം നടത്തുന്നവർ സൂക്ഷിക്കുക:
നിങ്ങളുടെ അക്കൗണ്ട് ഹാക്ക് ചെയ്യപ്പെട്ടേക്കാം…

“അടുത്ത ജന്മത്തിൽ നിങ്ങൾ ആരാകും? 
നിങ്ങളുടെ മരണവാർത്ത എന്തായിരിക്കും?
ഇതിഹാസങ്ങളിൽ നിങ്ങളുമായി സാമ്യമുള്ള കഥാപാത്രം ആരാണ്? ”
തുടങ്ങിയ യുക്തിരഹിതമായ പ്രവചനങ്ങളുമായി ഫേസ്ബുക്കിൽ പ്രത്യക്ഷപ്പെടുന്ന ലിങ്കുകൾ ഉപയോഗിച്ച് പരീക്ഷണം നടത്തുന്നവർ ശ്രദ്ധിക്കുക. ഇത്തരം ലിങ്കുകൾ ക്ലിക്ക് ചെയ്യുന്നതിലൂടെ പ്രവർത്തന സജ്ജമാകുന്ന ആപ്ലിക്കേഷനുകളിലൂടെ നിങ്ങളുടെ അക്കൗണ്ടുകൾ ഹാക്ക് ചെയ്യപ്പെടാനും അതിലൂടെ നിങ്ങളുടെ സ്വകാര്യ വിവരങ്ങൾ നഷ്ടമാകാനും സാധ്യതയേറെയാണ്. ഈ ലിങ്ക് വഴി ഫേസ്ബുക്ക് അക്കൗണ്ടിലേക്ക് ഇൻസ്റ്റാൾ ആകുന്ന ആപ്പുകളിലൂടെ നിങ്ങളുടെ വിവരങ്ങൾ ചോർത്തിയെടുക്കുവാനുമുള്ള അവസരവുമാണ് തട്ടിപ്പുകാർക്ക് നൽകുന്നതെന്നോർക്കുക.

 

ഫേസ്ബുക്കിൽ ഇത്തരത്തിലുള്ള ആപ്പുകൾ ഉപയോഗിക്കാതിരിക്കാൻ പ്രത്യേകം ശ്രദ്ധിക്കണം. ഇതുപോലുള്ള ആപ്ലിക്കേഷനുകൾ ഇൻസ്റ്റാൾ ചെയ്തവരുടെ ആയിരക്കണക്കിന് അക്കൗണ്ടുകൾ ഹാക്ക് ചെയ്യപ്പെട്ടതായി കണ്ടെത്തിയിട്ടുണ്ട്. പരിചയമില്ലാത്ത വിദേശികളുടെ ഫ്രണ്ട് റിക്വസ്റ്റ് അവഗണിക്കണം. അവര്‍ തരുന്ന ലിങ്കുകള്‍ തുറക്കരുത്. മലയാളികളുടെ അടക്കം അഞ്ഞൂറില്‍ അധികം ആളുകളുടെ ഫെയ്‌സ്ബുക്ക് അക്കൗണ്ടുകള്‍ ഇതിനോടകം #isaac_odenttemഎന്ന പേരില്‍ ഹാക്ക് ചെയ്യപ്പെട്ടു കഴിഞ്ഞു.

 

അക്കൗണ്ടുകൾ സുരക്ഷിതമാക്കാൻ പ്രൈവസി സെറ്റിങ്സിലും, സെക്യൂരിറ്റി സെറ്റിങ്സിലും ആവശ്യമായ മാറ്റങ്ങൾ വരുത്തുക. നിങ്ങളുടെ അക്കൗണ്ടിൽ സെക്യൂരിറ്റി സെറ്റിങ്സിൽ Apps and Websites എന്ന മെനുവിലൂടെ നിങ്ങൾ ഉപയോഗിക്കുന്ന ആപ്ലിക്കേഷനുകൾ കാണുവാൻ സാധിക്കും. അതിലുള്ള ആപ്ലിക്കേഷനുകൾ നീക്കം ചെയ്യുക. വ്യാജആപ്പുകൾ വഴി Data Sharing ഓപ്ഷനിലൂടെ വിവരങ്ങൾ നഷ്ടപ്പെടാതിരിക്കാൻ Apps, websites and games മെനുവിൽ സെറ്റിംഗ്സ് Turn Off ചെയ്യുക. കൂടാതെ ഫെയ്സ്ബുക്കിന്റെ സെറ്റിങ്സിൽ Security and login തിരഞ്ഞെടുത്താൽ ടൂ ഫാക്ടർ ഒതന്റിക്കേഷൻ സെറ്റ് ചെയ്തും സുരക്ഷ ഉറപ്പാക്കാം.

Spread the love
Previous ഇഷ്ടനമ്പരിന്റെ വില 31 ലക്ഷം രൂപ! മലയാളിക്ക് പുതിയ റെക്കോര്‍ഡ്
Next ഒരു കുപ്പി പാലിന് വില 20,000 രൂപ! ലേലം വിളിയുടെ മറ്റൊരു കഥ

You might also like

NEWS

ഇടുക്കിയില്‍ ജലനിരപ്പ് താഴുന്നു; വൈദ്യുതി ഉല്‍പാദനം കുറയുമെന്ന് വിലയിരുത്തല്‍

ജില്ലകളില്‍ വേനല്‍ കനത്തതോടെ ഇടുക്കി അണക്കെട്ടിലെ ജലനിരപ്പ് താഴ്ന്നു. 30 അടിയോളമാണ് താഴ്ന്നത്. നിലവില്‍ പരമാവധി സംഭരണ ശേഷിയുടെ 51 ശതമാനം വെള്ളം മാത്രമാണ് അണക്കെട്ടിലുള്ളത്. ഇതോടെ വൈദ്യുതി ഉത്പ്പാദനം കുറയുമെന്ന് കെ.എസ് ഇബിയും പറയുന്നു. വെള്ളം ഇനിയും കുറയുകയാണെങ്കില്‍ വൈദ്യുതി

Spread the love
NEWS

ജെഡിയുവിനെ എന്‍ഡിഎയിലേക്ക് സ്വാഗതം ചെയ്ത് അമിത്ഷാ

ബീഹാറില്‍ ബിജെപി പിന്തുണയോടെ അധികാരത്തില്‍ തുടരുന്ന ജെഡിയുവിന് എന്‍ഡിഎയുടെ ഭാഗമാകാന്‍ ബിജെപി അധ്യക്ഷന്‍ അമിത് ഷായുടെ ക്ഷണം. കഴിഞ്ഞ ദിവസം ബീഹാര്‍ മുഖ്യമന്ത്രി നിതീഷ് കുമാറിനെ സന്ദര്‍ശിച്ചതിനു ശേഷമാണ് അമിത് ഷാ എന്‍ഡിഎയുടെ ഭാഗമാകാന്‍ അദ്ദേഹത്തെ ക്ഷണിച്ചത്. ഈ മാസം 19ന്

Spread the love
Others

നമ്മെ പിന്തുടരുന്ന ചില കാലടിശബ്ദങ്ങള്‍

സുധീര്‍ ബാബു ശ്രീജിത്തിന്റെ സഹനസമരത്തിന്റെ അലകള്‍ മലയാളത്തിന്റെ കാറ്റില്‍ അലിഞ്ഞുചേര്‍ന്നു മറ്റൊരു തേങ്ങല്‍ നമുക്ക് മുന്നിലേക്ക് വീണ്ടും എത്തിക്കുന്നു. കാതോര്‍ത്താല്‍ ഇന്നും നമുക്കത് കേള്‍ക്കാം. ഒരച്ഛന്റെ അടക്കിപ്പിടിച്ച വിതുമ്പല്‍. രാജ്യം അടിയന്തിരാവസ്ഥയുടെ ഭീകരതയില്‍ അമര്‍ന്ന ദിനങ്ങളൊന്നില്‍ ആ അച്ഛന് തന്റെ മകനെ

Spread the love

0 Comments

No Comments Yet!

You can be first to comment this post!

Leave a Reply