മാലിന്യത്തില്‍ നിന്നു വരുമാനം : ഇതു നെടുങ്കണ്ടം മോഡല്‍
മാലിന്യം നാടിന് ശാപമാകുമ്പോള്‍ അതേ മാലിന്യത്തില്‍ നിന്ന് വരുമാനവും കണ്ടെത്തുകയാണ് നെടുങ്കണ്ടം ഗ്രാമപഞ്ചായത്ത്. മാലിന്യം സംസ്‌കരിച്ച് ടാറിംഗ് കമ്പനികള്‍ക്ക് വില്‍പന നടത്തിയും, ജൈവവളം നിര്‍മിച്ചു നല്‍കിയുമാണ് പഞ്ചായത്ത് മാലിന്യത്തില്‍ നിന്ന് വരുമാനം കണ്ടെത്തുന്നത്. കൂടാതെ മാലിന്യത്തില്‍ നിന്ന് വൈദ്യുതി ഉത്പാദിപ്പിക്കാനുള്ള പ്ലാന്റിന്റെ നിര്‍മ്മാണവും പുരോഗമിക്കുകയാണ്.
പ്രതിദിനം ഒരു ടണ്‍ മാലിന്യമാണ് സംസ്‌കരിക്കുന്നത്. ആറു മാസംകൊണ്ട് തന്നെ പ്ലാസ്റ്റിക് മാലിന്യത്തില്‍ നിന്ന് മാത്രം ഒരു ലക്ഷം രൂപ വരുമാനം ലഭിച്ചതായും, വരുമാനത്തിലുപരി മാലിന്യ സംസ്‌കരണത്തിനാണ് പ്രാധാന്യം നല്‍കുന്നതെന്നും പഞ്ചായത്ത് സെക്രട്ടറി പി.വി ബിജു പറഞ്ഞു. ജൈവമാലിന്യത്തില്‍ നിന്ന് ജൈവവളം നിര്‍മിച്ച് മിതമായ നിരക്കില്‍ കര്‍ഷകര്‍ക്ക് വിതരണവും ചെയ്യുന്നുണ്ട്. നിലവില്‍ 8000 കിലോ ജൈവവളം, 10,000 കിലോ പ്ലാസ്റ്റിക് മാലിന്യവും വില്പനക്കായി സൂക്ഷിച്ചിരിക്കുകയാണ്. കേന്ദ്ര ഗ്രാമവികസന വകുപ്പിന്റെ ഗോവര്‍ധന്‍ പദ്ധതി പ്രകാരം നിര്‍മാണം പൂര്‍ത്തിയായ വൈദ്യുത ഉത്പാദന യൂണിറ്റില്‍ അടുത്ത മാസം മുതല്‍ വൈദ്യുതി ഉത്പാദനവും ആരംഭിക്കും.
മാലിന്യമുക്ത നെടുങ്കണ്ടം പദ്ധതിയുടെ ഭാഗമായി ഓരോ വാര്‍ഡിലെയും ഹരിത കര്‍മ്മസേനാംഗങ്ങള്‍ വീടുകള്‍, ആശുപത്രികള്‍, ഹോട്ടലുകള്‍, സ്‌കൂളുകള്‍, വാണിജ്യ സ്ഥാപനങ്ങള്‍ എന്നിവിടങ്ങളില്‍ നിന്നും മാലിന്യം ശേഖരിച്ച് പ്ലാസ്റ്റിക്- ഖര-ജൈവ മാലിന്യങ്ങള്‍ വേര്‍തിരിച്ച് ബേഡ്‌മെട്ടിലുള്ള മാലിന്യ സംസ്‌കരണ പ്ലാന്റിലെത്തിച്ച് സംസ്‌കരിക്കുകയാണ്. സംസ്‌കരിച്ചെടുക്കുന്ന പ്ലാസ്റ്റിക് മാലിന്യങ്ങള്‍ ടാറിംഗിനായി ക്ലീന്‍ കേരള കമ്പനി വഴി ടാറിങ് കമ്പനികള്‍ക്ക് വില്‍പന നടത്തിയാണ് വരുമാനം നേടുന്നത്.
You might also like
പോക്കറ്റിലിടാനാല്ല, കാശുണ്ടാക്കാനും മൊബൈല്‍ ഫോണ്‍
ഒരു സ്മാര്‍ട്ട് ഫോണ്‍ കൈയിലുണ്ടെങ്കില്‍ ചെത്തിനടക്കാനും ആശയവിനിമയത്തിനും മാത്രമല്ല ദിനംപ്രതി സമ്പാദിക്കാനും സാധിക്കും. ചില ആപ്പുകള്‍ ഡൗണ്‍ ലോഡ് ചെയ്ത് പ്രവര്‍ത്തിപ്പിച്ചാല്‍ മാത്രം മതി. അത്തരം ആപ്പുകള്‍ പ്രവര്‍ത്തിക്കുമ്പോള്‍ ദിനംപ്രതി പൈസ പോക്കറ്റ് മണി തനിയെ വന്നു ചേരും. അവ ഏതെല്ലാമാണെന്നു
ഒരു സംരംഭകജീവിതത്തിന്റെ ഓര്‍മയ്ക്ക്‌
ഗൂഗ്ള്‍ ഡൂഡില്‍ ഇന്നൊരു സംരംഭകനെ ആദരിക്കുകയാണ്, സേക്ക് ഡീന്‍ മുഹമ്മദ്. കാലം മറന്നു പോയ ബിസിനസുകാരന്‍. യുകെയില്‍ ആദ്യമായൊരു ഇന്ത്യന്‍ റസ്റ്ററന്റ് ആരംഭിച്ച ബിസിനസുകാരനാണു ഡീന്‍ മുഹമ്മദ്. കടല്‍ കടന്നൊരു സംരംഭകസാധ്യത തിരിച്ചറിഞ്ഞ ആദ്യ സംരംഭകന്‍. ആംഗ്ലോ ഇന്ത്യന്‍ യാത്രക്കാരനായ ഡീനിന്റെ
വിലകുറച്ച് നോക്കിയ 6
മൊബൈല്‍ നിര്‍മാണരംഗത്തെ അതികായന്മാരായ നോക്കിയ ആന്‍ഡ്രോയ്ഡ് വിപണിയില്‍ മുന്നേറാന്‍ ഉത്പന്നങ്ങള്‍ക്ക് വില കുറച്ചു. നോക്കിയ 6നാണ് ഇപ്പോള്‍ വില കുറച്ചിരിക്കുന്നത്. 3 ജിബി, 4 ജിബി വാരിയന്റുകള്‍ക്ക് 14999, 16999 വിലയാണ് ഇപ്പോള്‍. ഈ മോഡലില്‍ 1500 രൂപയാണ് ഓഫര്‍ വഴി
0 Comments
No Comments Yet!
You can be first to comment this post!