ടൂറിസത്തില്‍ കേരളത്തിന്റെ ഭാവി : നടപ്പാക്കുന്നത് 550 കോടിയുടെ പദ്ധതികള്‍

ടൂറിസത്തില്‍ കേരളത്തിന്റെ ഭാവി : നടപ്പാക്കുന്നത് 550 കോടിയുടെ പദ്ധതികള്‍

ടൂറിസത്തിലാണു കേരളത്തിന്റെ ഭാവിയെന്നും, കേന്ദ്ര ടൂറിസം മന്ത്രാലയം കേരളത്തില്‍ നടപ്പാക്കുന്നതു 550 കോടി രൂപയുടെ പദ്ധതികളാണെന്നും കേന്ദ്ര ടൂറിസം സഹമന്ത്രി അല്‍ഫോണ്‍സ് കണ്ണന്താനം. ടൂറിസം മേഖലയുടെ വികസനം കേരളത്തിന്റെ വളര്‍ച്ചയ്ക്ക് നിര്‍ണ്ണായകമാണെന്നും  കണ്ണന്താനം പറഞ്ഞു. വര്‍ക്കല ശിവഗിരി മഠത്തില്‍ ശ്രീനാരായണഗുരു തീര്‍ത്ഥാടന സര്‍ക്യൂട്ടിന്റെ ശിലാസ്ഥാപനം നിര്‍വ്വഹിക്കുകയായിരുന്നു അദ്ദേഹം.

 

ശ്രീനാരായണഗുരു തീര്‍ത്ഥാടന സര്‍ക്യൂട്ടില്‍ സംസ്ഥാന ഗവണ്‍മെന്റിനും നിര്‍ണ്ണായകമായ പങ്കുണ്ടെന്ന് കേന്ദ്ര ടൂറിസം സഹമന്ത്രി വ്യക്തമാക്കി. 234 ഡോളറാണ് കഴിഞ്ഞ വര്‍ഷം ടൂറിസം മേഖലയില്‍നിന്ന് രാജ്യത്തിന് ലഭിച്ച വരുമാനം. ഇതില്‍ 27 ബില്യണ്‍ ഡോളര്‍ മാത്രമാണ് വിദേശ ടൂറിസ്റ്റുകളില്‍നിന്ന് ലഭിച്ചത്. ടൂറിസം മേഖലയില്‍ കൂടുതല്‍ വരുമാനവും ലഭിക്കുന്നത് ആഭ്യന്തര ടൂറിസ്റ്റുകളില്‍നിന്നാണ്. ആഭ്യന്തര ടൂറിസ്റ്റുകള്‍ തീര്‍ത്ഥാടന കേന്ദ്രങ്ങളാണ് കൂടുതലും സന്ദര്‍ശിക്കുന്നത്. ഇതുകൊണ്ടാണ് സ്വദേശ് ദര്‍ശന്‍ പദ്ധതിക്ക് കീഴില്‍ ആരാധനാലയങ്ങളുടെ അടിസ്ഥാന സൗകര്യ വികസനത്തിന് കേന്ദ്രം ഊന്നല്‍ നല്‍കുന്നതെന്നും കണ്ണന്താനം വ്യക്തമാക്കി. കേരളത്തിലെ 133 ആരാധനാലയങ്ങളുടെ അടിസ്ഥാന സൗകര്യ വികസനത്തിനായി കേന്ദ്ര ഗവണ്‍മെന്റ് 85 കോടി രൂപ അനുവദിച്ചിട്ടുണ്ടെന്നും കേന്ദ്ര ടൂറിസം സഹമന്ത്രി വ്യക്തമാക്കി.

 

സ്വദേശ് ദര്‍ശന്‍ പദ്ധതിക്കു കീഴില്‍ ഉള്‍പ്പെടുത്തി ശിവഗിരി തീര്‍ത്ഥാടന സര്‍ക്യൂട്ടിന്റെ വികസനത്തിനായി കേന്ദ്ര ടൂറിസം മന്ത്രാലയം 69.47 കോടി രൂപയാണ് അനുവദിച്ചിട്ടുള്ളത്. ശിവഗിരി ശ്രീനാരായണ ഗുരു ആശ്രമം- അരുവിപ്പുറം- കുന്നുംപാറ ശ്രീ സുബ്രഹ്മണ്യ ക്ഷേത്രം- ചെമ്പഴന്തി ശ്രീ നാരായണ ഗുരുകുലം എന്നിവ ഉള്‍പ്പെടുന്നതാണ് ഈ ആത്മീയ സര്‍ക്യൂട്ട്.
വിനോദസഞ്ചാരികള്‍ക്കായുള്ള സൗകര്യകേന്ദ്രങ്ങള്‍, സൗന്ദര്യവത്കരണം, മെഡിറ്റേഷന്‍/യോഗ കേന്ദ്രങ്ങള്‍, പൊതു സൗകര്യങ്ങള്‍, ബാറ്ററിയില്‍ പ്രവര്‍ത്തിക്കുന്ന വാഹനങ്ങള്‍, കുടിവെള്ളം, കരകൗശല ബസാര്‍, ബസ് ഷെല്‍ട്ടറുകള്‍, ആഡിയോ, വീഡിയോ വിര്‍ച്വല്‍ റിയാലിറ്റി ഷോ, മള്‍ട്ടിമീഡിയാ ഷോ, വഴിയോര സൗകര്യങ്ങള്‍, പാര്‍ക്കിംഗ്, സിസി.ടി.വി, വൈഫൈ, കഫ്റ്റീരിയകള്‍, ഓപണ്‍ എയര്‍ തീയേറ്റര്‍, സ്മാരകങ്ങളിലും  പ്രധാന കേന്ദ്രങ്ങളിലും വൈദ്യുതി ദീപാലങ്കാരം, മലിനജല സംസ്‌കരണ പ്ലാന്റ് എന്നിവ പദ്ധതിയുടെ കീഴില്‍ നടപ്പിലാക്കും.

 

 

Previous ലംബോര്‍ഗിനി ഹുറാക്കാന്‍ ഇവോ ഇന്ത്യന്‍ വിപണിലേക്ക്
Next പിഎസ്‌സി പരീക്ഷയിലും പുലിരുമുകന്‍ !!

You might also like

NEWS

നിശാഗന്ധി നൃത്തോത്സവം 20 മുതൽ

റിസം വകുപ്പ് സംഘടിപ്പിക്കുന്ന വാർഷിക നൃത്തോത്സവമായ നിശാഗന്ധി ഡാൻസ് ഫെസ്റ്റിവൽ ജനുവരി 20 മുതൽ 26 വരെ കനകക്കുന്നിലെ നിശാഗന്ധി ഓഡിറ്റോറിയത്തിൽ നടക്കും.  20ന് വൈകിട്ട് 6.15ന് ഗവർണ്ണർ പി. സദാശിവം ഉദ്ഘാടനം ചെയ്യും. നൃത്തരംഗത്തെ സമഗ്രസംഭാവനയ്ക്കുള്ള നിശാഗന്ധി പുരസ്‌കാരം കലാമണ്ഡലം

Business News

പണം തിരികെ നല്‍കി പുതിയ പേടിഎം ആപ്

സൗജന്യ ബാങ്ക് ഇടപാടുകള്‍ക്കായി പുതിയ പേടിഎം ആപ്പ് എത്തി. ആപ് ഉപയോഗിച്ച് പണം ഒരു ബാങ്കില്‍ നിന്ന് മറ്റൊരു ബാങ്കിലേക്ക് ട്രാന്‍സ്ഫര്‍ ചെയ്യുമ്പോള്‍ ഓരോ ഉപഭോക്താവാവിനും 100 രൂപയുടെ റിവാര്‍ഡ് ലഭിക്കും. പേടിഎം ആപിന് കെ.വൈ.സി ആവശ്യമില്ല. 100 രൂപയുടെ റിവാര്‍ഡ്

Business News

വനിതാ സംരംഭകര്‍ക്കായി ആമസോണ്‍ സഹേലി

ആഗോള ഇ-കൊമേഴ്‌സ് ഭീമന്മാരായ ആമസോണ്‍ വനിതാ സംരംഭകര്‍ക്ക് പുതിയൊരു വാതില്‍ തുറന്നിരിക്കുകയാണ്. വനിതാ സംരംഭകരുടെ ഉല്‍പന്നങ്ങള്‍ വില്‍ക്കുന്നതിനായി ‘ആമസോണ്‍ സഹേലി’ എന്ന ഓണ്‍ലൈന്‍ പ്ലാറ്റ്‌ഫോമാണ് ആമസോണിന്റെ പുതിയ സംഭാവന. സെല്‍ഫ് എംപ്ലോയിഡ് വുമന്‍സ് അസോസിയേഷന്‍ (സേവാ), ഇംപള്‍സ് സോഷ്യല്‍ എന്റര്‍പ്രൈസസ് എന്നിവരുമായി

0 Comments

No Comments Yet!

You can be first to comment this post!

Leave a Reply