വൈറസ് സിനിമയ്ക്ക് സ്റ്റേ : ടൈറ്റിലും കഥയും മോഷ്ടിച്ചതെന്ന് ആരോപണം

നിപ വൈറസ് ബാധയെ ആസ്പദമാക്കി ആഷിഖ് അബു സംവിധാനം ചെയ്യുന്ന വൈറസ് എന്ന ചിത്രത്തിനു സ്റ്റേ. എറണാകുളം സെന്‍ഷന്‍സ് കോടതിയാണ് സ്‌റ്റേ പുറപ്പെടുവിച്ചത്. ചിത്രത്തിന്റെ പേരും കഥയും മോഷ്ടിച്ചതാണെന്ന് ആരോപിച്ച് ഉദയ് അനന്തന്‍ നല്‍കിയ ഹര്‍ജിയിന്മേലാണ് സ്റ്റേ പുറപ്പെടുവിച്ചത്.

അതേപേരിലൊരു നാടകം ചെയ്തിരുന്നുവെന്നും, ആ കഥ മോഷ്ടിച്ചാണു സിനിമ ആക്കിയിരിക്കുന്നതെന്നുമാണു ഉദയ് അനന്തന്‍ ആരോപിച്ചിരിക്കുന്നത്. സിനിമയുടെ പ്രദര്‍ശനവും മറ്റു ഭാഷകളിലേക്കു മൊഴി മാറ്റുന്നതും നിര്‍ത്തിവയ്ക്കണമെന്നാണു കോടതി പറഞ്ഞിരിക്കുന്നത്.നിപ വൈറസ് കേരളത്തില്‍ പടര്‍ന്നു പിടിച്ച് അധികം കഴിയുന്നതിനു മുമ്പു തന്നെ വൈറസ് എന്ന പേരില്‍ ആഷിഖ് അബു സിനിമ പ്രഖ്യാപിച്ചിരുന്നു. ജനുവരി ആദ്യം കോഴിക്കോട് ചിത്രീകരണം ആരംഭിക്കുകയും ചെയ്തു.

വന്‍ താരനിരയാണു ചിത്രത്തില്‍ അണിനിരക്കുന്നത്. കുഞ്ചാക്കോ ബോബന്‍, ടോവിനോ തോമസ്, ഇന്ദ്രജിത്ത്, പാര്‍വതി തുടങ്ങിയവര്‍ ചിത്രത്തിലുണ്ട്. നേഴ്‌സ് ലിനിയായി റിമ കല്ലിങ്കലാണ് വേഷമിടുന്നത്. ഒപിഎം പ്രൊഡക്ഷന്‍സ് നിര്‍മിക്കുന്ന ചിത്രത്തിന്റെ തിരക്കഥ രചിച്ചിരിക്കുന്നത് മുഹ്‌സിന്‍ പെരാരി, അമല്‍ നീരദ് എന്നിവരാണ്. വിഷു റിലീസായി ചിത്രം തിയറ്ററില്‍ എത്തിക്കാനാണ് ഉദ്ദേശിച്ചിരുന്നത്.