കാത്തിരിപ്പിന് വിരാമമിട്ട് വാലന്റൈന്‍സ് ദിനത്തില്‍ XUV 300 വരുന്നു

കാത്തിരിപ്പിന് വിരാമമിട്ട് വാലന്റൈന്‍സ് ദിനത്തില്‍ XUV 300 വരുന്നു

യൂട്ടിലിറ്റി വെഹിക്കിള്‍ സെഗ്മെന്റില്‍ മഹീന്ദ്ര അവതരിപ്പിക്കുന്ന പുത്തന്‍ എക്‌സ്യുവി 300 ന്റെ കാത്തിരിപ്പ് അവസാനിക്കാറായി. ഫെബ്രുവരി 14ന് വാലന്റൈന്‍സ് ദിനത്തിലാണ് എക്‌സ്യുവി 300 നിരത്തിലെത്തുന്നത്. മഹീന്ദ്രയുടെ കൊറിയന്‍ പങ്കാളികളായ സാങ്യോങിന്റെ ചെറു എക്‌സ്യുവി ടിവോളിയെ അടിസ്ഥാനമാക്കിയെത്തുന്ന വാഹനമാണ് എക്‌സ്യുവി 300. പൂജ്യത്തില്‍ നിന്നും നൂറു കിലോമീറ്ററിലെത്താന്‍ 12 സെക്കന്‍ഡ് മതിയെന്നതും 100ല്‍ നിന്നും പൂജ്യത്തിലെത്താന്‍ അഞ്ച് സെക്കന്‍ഡ് മതിയെന്നതുമാണ് പുതിയ എക്‌സ്യുവി 300 ന്റെ സവിശേഷത.

എക്‌സ്യുവി 300 ഉയര്‍ന്ന സമ്മര്‍ദത്തെ അതിജീവിക്കുന്ന എയറോ ഡൈനാമിക് ഡിസൈന്‍ ടെസ്റ്റ് വിജയകരമായി പൂര്‍ത്തിയാക്കിയിരുന്നു.  വാഹനത്തിന്റെ എതിര്‍വശത്തുനിന്നും ഉയര്‍ന്ന സമ്മര്‍ദത്തില്‍ വായുവോ പുകയോ കടത്തിവിട്ടാണ് പരീക്ഷണം. വാഹനത്തിന് അഞ്ച് സീറ്റ്, ഏഴ് സീറ്റ് വകഭേദങ്ങളുണ്ടാകുമെന്നാണ് കരുതുന്നത്. എസ് 201 എന്ന കോഡ് നാമത്തിലാണ് എക്‌സ്യുവി 300 അറിയപ്പെട്ടിരുന്നത്. വലിയ ടയറുകളും മസ്‌കുലറായ രൂപവും എക്‌സ്യുവി 300 വിനുണ്ടാകും. പെട്രോള്‍, ഡീസല്‍ വകഭേദങ്ങളുള്ള കാറിന്റെ പെട്രോള്‍ പതിപ്പില്‍ 1.2 ലീറ്റര്‍ എന്‍ജിനും ഡീസല്‍ പതിപ്പില്‍ 1.5 ലീറ്റര്‍ എന്‍ജിനുമുണ്ടാകും. പെട്രോള്‍ പതിപ്പിന് 17 കിലോമീറ്ററും ഡീസല്‍ മോഡലിന് 20 കിലോമീറ്റര്‍ മൈലേജും ലഭിക്കുമെന്നാണ് റിപ്പോര്‍ട്ടുകള്‍.

എക്‌സ്യുവി 500 ന് സമാനമായ ഫുള്‍ എല്‍ഇഡി ഹെഡ്‌ലാംപ്, ടെയില്‍ ലാംപ് എന്നിവയുണ്ടാകും. മരാസോയിലൂടെ അരങ്ങേറിയ 1.5 ലീറ്റര്‍ ഡീസല്‍ എന്‍ജിനാവും വാഹനത്തിന്റെ ഹൃദയം. 123 ബിഎച്ച്പി കരുത്തും 300 എന്‍എം ടോര്‍ക്കും ഈ എഞ്ചിന്‍ സൃഷ്ടിക്കും. ഏഴു മുതല്‍ 12 ലക്ഷം വരെയായിരിക്കും എക്‌സ്യുവി 300 ന്റെ വില.  300 ന്റെ പ്രീ-ബുക്കിംഗ് മഹീന്ദ്ര നേരത്തെ തുടങ്ങിയിരുന്നു. ഓണ്‍ ലൈനായും ഡീലര്‍ഷിപ്പുകളില്‍ നിന്നും നേരിട്ടും എക്‌സ്യുവി 300 ബുക്ക് ചെയ്യാം. 20,000 രൂപ അടച്ച് രാജ്യത്തെ മുഴുവന്‍ ഡീലര്‍ഷിപ്പുകളും എസ്യുവിയുടെ ബുക്കിംഗ് സ്വീകരിക്കും.

Spread the love
Previous 'കൊക്കോണിക്‌സ്' വരുന്നു; മലയാള നാടിന് ഇനി സ്വന്തം ലാപ്‌ടോപ്പ്
Next കലാഭവന്‍ മണിയുടെ മരണം; ഏഴ് സുഹൃത്തുക്കളെ നുണപരിശോധനയ്ക്ക് വിധേയരാക്കും

You might also like

NEWS

കെടിഎം ഡ്യൂക്ക് 125 വിപണിയില്‍

  ഓസ്ട്രിയന്‍ വാഹനനിര്‍മാതാക്കളായ കെടിഎം ഏറ്റവും വിലകുറഞ്ഞ ഡ്യൂക്ക് വിപണിയിലെത്തിച്ചു. 1.18 ലക്ഷം രൂപയില്‍ 125സിസി കരുത്തുളള വാഹനമാണ് ഇത്. മോഡല്‍ നിരയില്‍ 200 ഡ്യൂക്കിനും താഴെ ഇടംകണ്ടെത്തുന്ന 125 ഡ്യൂക്ക്, ഇന്ത്യയില്‍ കെടിഎം അവതരിപ്പിക്കുന്ന ഏറ്റവും ചെറിയ ബൈക്കാണ്. 1.51

Spread the love
Car

നെക്‌സണ്‍ ക്രാഷ് ടെസ്റ്റ് റേറ്റിംഗില്‍ ടാറ്റ മോട്ടോഴ്‌സിന് ആനന്ദ് മഹീന്ദ്രയുടെ അഭിനന്ദനം

അന്താരാഷ്ട്ര തലത്തില്‍ ഇന്ത്യന്‍ നിര്‍മിത വാഹനങ്ങള്‍ സുരക്ഷയുടെ കാര്യത്തില്‍ ശ്രദ്ധനേടുകയാണ്. ചരിത്രത്തിലാദ്യമായി ഒരു ഇന്ത്യന്‍ നിര്‍മിത വാഹനം അഞ്ച് സ്റ്റാര്‍ റേറ്റിംഗോടെ ഗ്ലോബല്‍ എന്‍സിഎപി ടെസ്റ്റ് പൂര്‍ത്തിയാക്കിയെന്ന തലക്കെട്ടോടെ ഇന്നലെ ടാറ്റ നെക്‌സണ്‍ വാര്‍ത്തയും വന്നിരുന്നു. ടാറ്റയുടെ കിരീടത്തിലെ പൊന്‍തൂവലായി ഇതിനെ

Spread the love
AUTO

കടലില്‍ അപകടത്തില്‍പ്പെടുന്നവര്‍ക്ക് അടിയന്തര വൈദ്യസഹായം; മറൈന്‍ അംബുലന്‍സുകളുടെ നിര്‍മ്മാണം ആരംഭിച്ചു

കടലില്‍ അപകടത്തില്‍പ്പെടുകയോ അസുഖം ബാധിക്കുകയോ ചെയ്യുന്ന തൊഴിലാളികള്‍ക്ക് അടിയന്തര വൈദ്യസഹായം ലഭ്യമാക്കാന്‍ മറൈന്‍ അംബുലന്‍സ്. സംസ്ഥാന ഫിഷറീസ് വകുപ്പിന് വേണ്ടി കൊച്ചി കപ്പല്‍ശാലയാണ് 3 മറൈന്‍ അംബുലന്‍സുകള്‍ നിര്‍മ്മിക്കുന്നത്. മറൈന്‍ അംബുലന്‍സിന് 22.5 മീറ്റര്‍ നീളവും 6.0 മീറ്റര്‍ ഭീം സൈസും

Spread the love

0 Comments

No Comments Yet!

You can be first to comment this post!

Leave a Reply