കിഫ്ബി:  748.16 കോടിയുടെ  പദ്ധതികൾക്ക് അംഗീകാരം

കിഫ്ബി: 748.16 കോടിയുടെ പദ്ധതികൾക്ക് അംഗീകാരം

മുഖ്യമന്ത്രി പിണറായി വിജയന്റെ അധ്യക്ഷതയിൽ ചേർന്ന കിഫ്ബിയുടെ 34ാമത് ബോർഡ് യോഗത്തിൽ 748.16 കോടി രൂപയുടെ ഒൻപത് പുതിയ അടിസ്ഥാന സൗകര്യ വികസന പദ്ധതികൾക്ക് അംഗീകാരം നൽകി. ഇതിനുപുറമേ, 863.34 കോടി രൂപയുടെ ഉപപദ്ധതികൾക്ക് കിഫ്ബി എക്‌സിക്യൂട്ടീവ് കമ്മിറ്റി നൽകിയ അംഗീകാരം ബോർഡ് സാധൂകരിച്ചതായും ചെയ്തതായി ധനമന്ത്രി ഡോ. ടി.എം. തോമസ് ഐസക് വാർത്താസമ്മേളനത്തിൽ അറിയിച്ചു. ഇതോടെ 512 പദ്ധതികളിലായി ആകെ 41,325.91 കോടി രൂപയുടെ പദ്ധതികൾക്കാണ് കിഫ്ബി അംഗീകാരം നൽകിയിട്ടുള്ളത്.

പുത്തൂർ സുവോളജിക്കൽ പാർക്ക് (157.57 കോടി), എൽ.പി ആൻറ് യു.പി സ്‌കൂളുകൾക്കുള്ള ഹൈടെക് ലാബ് (292 കോടി), ആലപ്പുഴ മൊബിലിറ്റി ഹബ്-ഫേസ് 1- കെ.എസ്.ആർ.ടി.സി ബസ് ടെർമിനൽ കോംപ്ലക്‌സ് (129.12 കോടി), പരപ്പനങ്ങാടി ഫിഷിംഗ് ഹാർബർ (112.22 കോടി) തുടങ്ങിയ പ്രധാന പദ്ധതികൾ ഇതിൽ ഉൾപ്പെടും. കിഫ്ബി പദ്ധതികൾക്കായി ഇതുവരെ 1076.08 കോടി രൂപ റിലീസ് ചെയ്തതായും മന്ത്രി അറിയിച്ചു.

പുതിയ പദ്ധതികൾ അംഗീകരിച്ചതിനു പുറമേ മൂന്ന് യോഗങ്ങളിൽ അംഗീകരിച്ച പദ്ധതികളുടെ നിർവഹണ നടപടികളും യോഗം വിലയിരുത്തി. ഇതിനുപുറമേ നൂതന ധനസമാഹരണ മാർഗങ്ങൾ വഴി കിഫ്ബി പദ്ധതികൾക്ക് ധനസമാഹരണം നടത്തുന്നതിനാവശ്യമായ അസറ്റ് മാനേജ്‌മെൻറ് കമ്പനിയുടെ രൂപീകരണം വിലയിരുത്തി. ലണ്ടൻ, സിങ്കപ്പൂർ സ്‌റ്റോക്ക് എക്‌സ്‌ചേഞ്ചുകൾ വഴി മസാല ബോണ്ട് പുറപ്പെടുവിക്കുന്നതും, വിവിധ ബാങ്കുകളിൽ നിന്ന് ആദായകരമായ ലോണുകൾ എടുക്കുന്നതും, പ്രവാസി ചിട്ടി പദ്ധതി വഴിയുള്ള ധനസമാഹരണം സംബന്ധിച്ച പുരോഗതിയും യോഗം വിലയിരുത്തി.ബോർഡ് യോഗത്തിൽ മുഖ്യമന്ത്രി പിണറായി വിജയനും ധനമന്ത്രി ഡോ. ടി.എം. തോമസ് ഐസക്കിനും പുറമേ മറ്റ് ബോർഡ് അംഗങ്ങളും പങ്കെടുത്തു.

Spread the love
Previous ടിക്ക് ടോക്ക് അമ്മാമ്മ സിനിമയില്‍ : സുന്ദരന്‍ സുഭാഷില്‍ അമ്മാമ്മയ്‌ക്കൊപ്പം കൊച്ചുമകനും
Next തോറ്റതിന് കുറ്റം കേരളത്തിലെ പിച്ചിന്; ബാറ്റിംഗ് ദുഷ്‌കരമായിരുന്നുവെന്ന് ക്യാപ്റ്റന്‍

You might also like

AUTO

New polo

രാകേഷ് നാരായണന്‍ എന്തായിരുന്നു പോളോയുടെ യൂണിക് സെല്ലിങ് പോയിന്റ് എന്ന് ചോദിച്ചാല്‍, ജര്‍മന്‍ എഞ്ചിനീറിങ് തന്നെയായിരുന്നു എന്ന് പറയാം. ജര്‍മന്‍ എന്നാല്‍ ബിഗ് ത്രീകള്‍ (ബെന്‍സ്, ബീമര്‍, ഓഡി) ആണെന്നും സാധാരണക്കാരന് അപ്രാപ്യമായ എന്തോ ഒന്നാണ് ജര്‍മന്‍ ക്വാളിറ്റിയെന്നും കരുതിയിരുന്ന കാലത്താണ്

Spread the love
NEWS

കരകൗശല തൊഴിലാളികൾക്ക് സ്വയം തൊഴിൽ വായ്പ

കേരളകരകൗശല വികസന കോർപ്പറേഷൻ കരകൗശലതൊഴിലാളികൾക്കുളള വായ്പാപദ്ധതിയിലേയ്ക്ക് അപേക്ഷ ക്ഷണിച്ചു. അപേക്ഷകർ പിന്നാക്ക വിഭാഗത്തിൽപ്പെട്ട കരകൗശല മേഖലയുമായി ബന്ധപ്പെട്ടയാളാകണം. വുഡ് ടെക്‌നോളജി, ഫൈൻ ആർട്‌സ് ബിരുദധാരികൾക്കും അപേക്ഷിക്കാം. പ്രായം 18-55. വാർഷിക വരുമാനം ഗ്രാമ, നഗര പരിധിയിൽ പരമാവധി 3,00,000 രൂപയ്ക്ക് താഴെയായിരിക്കണം.

Spread the love
NEWS

വേനല്‍ ചൂടില്‍ പച്ചക്കറി വില കുതിച്ചുയരുന്നു

വേനല്‍ ചൂടില്‍ പച്ചക്കറികള്‍ക്കും ചൂടേറുന്നു.  വേനല്‍ കനത്തതോടെ പച്ചക്കറികളുടെ വില കുതിച്ചുയരുകയാണ്. വെയില്‍ ചൂടില്‍ കൃഷിയിടങ്ങള്‍ കരിഞ്ഞുണങ്ങി വിളവ് കുറഞ്ഞതാണ് വിലക്കയറ്റത്തിന് വഴി വെച്ചത്. കേരളത്തിലേക്ക് പച്ചക്കറി എത്തിക്കുന്ന അന്യസംസ്ഥാനങ്ങളിലെ അവസ്ഥയും ഇങ്ങനെ തന്നെയാണ്. ഇതേ തുടര്‍ന്ന് പത്ത് ശതമാനത്തിലേറെ വര്‍ധനവാണ്

Spread the love

0 Comments

No Comments Yet!

You can be first to comment this post!

Leave a Reply