സംരംഭകര്‍ക്ക് എന്നും പ്രചോദനമാണ് ആമസോണിന്റെ വളര്‍ച്ച

സംരംഭകര്‍ക്ക് എന്നും പ്രചോദനമാണ് ആമസോണിന്റെ വളര്‍ച്ച

ഒരു സംരംഭവും ഒരു സുപ്രഭാതത്തില്‍ പൊട്ടിമുളച്ചവയല്ല. സംരംഭകരുടെ നിരവധി കാലത്തെ പ്രയത്‌നമാണ് ഓരോ ബിസിനസിന്റെയും വിജയം. വെല്ലുവിളികളെ തരണം ചെയ്ത് മുന്നോട്ട് പോയവരാണ് പുതിയ സംരംഭകര്‍ക്ക് പ്രചോദനമാകുന്നത്. ആമസോണ്‍ സ്ഥാപകനായ ജെഫ് ബെസോസ് അത്തരത്തില്‍ സംരംഭത്തിലേക്ക് കടക്കാന്‍ ആഗ്രഹിക്കുന്നവരുടെ പ്രചോദനമാണ്. ലോകത്തെ അതിസമ്പന്നരുടെ പട്ടികയില്‍ മുന്‍നിരയിലുളള ജെഫ് ബെസോസിന്റെ തുടക്കം അത്ര മികച്ചതായിരുന്നില്ല. അദ്ദേഹവും ഭാര്യയും ചേര്‍ന്ന് വീടിനോട് ചേര്‍ന്ന ഗ്യാരേജില്‍ തുടങ്ങിയതാണ് ആമസോണ്‍.

ജെഫ് ബെസോസ് കംപ്യൂട്ടര്‍ സയന്‍സിലും ഇലക്ട്രിക്കല്‍ എഞ്ചിനീയറിംഗിലും ബിരുദം നേടിയ ശേഷം വാള്‍ സ്ട്രീറ്റിലെ പല സ്ഥാപനങ്ങളിലും ജോലി ചെയ്തു. ഇതിനിടയില്‍ ലോസ് ആഞ്ചലസില്‍ അമേരിക്കന്‍ ബുക്ക് സെല്ലേഴ്‌സ് കണ്‍വെന്‍ഷനില്‍ പങ്കെടുക്കവെയാണ് ഓണ്‍ലൈന്‍ ബുക്ക് വില്പനയെന്ന ആശയമുദിക്കുന്നത്. പുസ്തകങ്ങള്‍ വാങ്ങാന്‍ ആളുകള്‍ക്ക് പൊതുവായ ഒരിടമില്ലെന്നത് മികച്ച സംരംഭാവസരമായി ജെഫ് ബെസോസ് കണ്ടെത്തി. ഓണ്‍ലൈന്‍ ഇടപാടുകള്‍ തീരെ പരിചിതമല്ലാത്ത കാലഘട്ടത്തില്‍ ഓണ്‍ലൈന്‍ ബുക്ക് വില്പന എന്ന ആശയം കേട്ടവര്‍ ജെഫിനെയും ഭാര്യയെയും നിരുത്സാഹപ്പെടുത്തിയെങ്കിലും തന്റെ ആശയത്തില്‍ പൂര്‍ണ വിശ്വാസമുണ്ടായിരുന്നു ജെഫിന്. നിക്ഷേപത്തിനായി 60 നിക്ഷേപകരെ കണ്ടുവെങ്കിലും 60ല്‍ 40 പേര്‍ക്കും പുതിയ ആശയത്തില്‍ വിശ്വാസമില്ലാതിരുന്നതിനാല്‍ നിക്ഷേപിക്കാന്‍ തയ്യാറായില്ല. എന്നാല്‍ പാതി മനസ്സോടെയാണെങ്കിലും കൂടെ നിന്ന 20 നിക്ഷേകരില്‍ പ്രതീക്ഷയര്‍പ്പിച്ച് ജെഫ് മുന്നേറി.

1995ല്‍ ആണ് ആമസോണ്‍ പൂര്‍ണമായി ഓണ്‍ലൈനിലേക്ക് ഇറങ്ങുന്നത്. തന്റെ 300 സുഹൃത്തുക്കളെ പല സ്ഥലങ്ങളില്‍ നിന്നുമായി ബുക്കുകള്‍ ഓര്‍ഡര്‍ ചെയ്യിപ്പിച്ചു. ഇത് വിജയം കണ്ടതോടെ ആമസോണ്‍ പൊതുജനങ്ങളിലേക്കെത്തിച്ചു. മൂന്നാം വര്‍ഷം തന്നെ ഐപിഒയിലേക്കും കടന്നു ആമസോണ്‍. നിക്ഷേപകന്‍, യുഎസ് ടെക്‌നോളജി എന്‍ട്രപ്രണര്‍, ഫിലാന്ത്രോപ്പിസ്റ്റ് തുടങ്ങിയ തലങ്ങളില്‍ പേരെടുത്തുകഴിഞ്ഞു ജെഫ് ബെസോസ്. തന്റെ കഠിനാധ്വാനത്തിലൂടെ ആമസോണിനെ ലോകത്തിലെ മുന്‍നിര സ്ഥാപനമാക്കി ഉയര്‍ത്തിയ ജെഫ് ബെസോസിന് പിന്നാലെ പായുകയാണ് സംരംഭക ലോകമിന്ന്.

Spread the love
Previous 8 ലക്ഷം രൂപയില്‍ പ്രീമിയം സബ് കോംപാക്ട് എസ്‌യുവി; അങ്കം കുറിച്ച് എക്‌സ്‌യുവി 300
Next ഇസാഫ് ബാങ്കും പിഎന്‍ബി മെറ്റ് ലൈഫും കൈകോര്‍ക്കുന്നു; പദ്ധതി ഇന്‍ഷുറന്‍സ് സേവനങ്ങള്‍

You might also like

Business News

സിഎജി റിപ്പോര്‍ട്ട് അടിസ്ഥാന രഹിതം; നിര്‍മലാ സീതാരാമന്‍

രാജ്യത്തിന്റെ പ്രതിരോധ സേനയില്‍ ആയുധ ക്ഷാമമുണ്ടെന്ന സിഎജി റിപ്പോര്‍ട്ട് അടിസ്ഥാന രഹിതമാണെന്ന് പ്രതിരോധമന്ത്രി നിര്‍മല സീതാരാമന്‍ വ്യക്തമാക്കി. ഒരു യുദ്ധമുണ്ടായാല്‍ ഇന്ത്യയ്ക്ക് 20 ദിവസം ഉപയോഗിക്കാന്‍ കഴിയുന്ന ആയുധശേഖരം മാത്രമേ ഒള്ളു എന്നായിരുന്നു സിഎജി റിപ്പോര്‍ട്ട്. എന്നാല്‍, ആയുധ ദൗര്‍ലഭ്യമുണ്ടെന്ന റിപ്പോര്‍ട്ട്

Spread the love
Business News

മതില്‍ കെട്ടി വേഗം കൂട്ടാന്‍ റെയ്ല്‍വേ

പാളങ്ങള്‍ക്ക് ഇരുവശവും മതില്‍കെട്ടി ട്രെയ്‌നിന്റെ സ്പീഡ് കൂട്ടാന്‍ റെയ്ല്‍വെ ഒരുങ്ങുന്നു. ഡെല്‍ഹി- മുംബൈ റൂട്ടിലാണ് 500 കോടി രൂപ ചെലവില്‍ 500 കിലോമീറ്റര്‍ ദൂരത്തില്‍ മതില്‍ കെട്ടാന്‍ പദ്ധതി തയാറാക്കുന്നത്. പാളത്തിലേക്ക് മനുഷ്യരും മൃഗങ്ങളും പ്രവേശിക്കുന്നത് ഈ റൂട്ടില്‍ ട്രെയിന്‍ യാത്ര

Spread the love
TECH

ഇന്ത്യയ്ക്കുവേണ്ടിയുള്ള ആദ്യ വാട്‌സാപ്പ് മേധാവിയായി അഭിജിത്ത് ബോസ്

  ന്യൂഡല്‍ഹി: വാട്‌സാപ്പ് ഇന്ത്യയുടെ ആദ്യമേധാവിയായി അഭിജിത് ബോസ് നിയമിതനായി. ഇന്ത്യയ്ക്കുവേണ്ടിയുള്ള ആദ്യ വാട്‌സാപ്പ് സംഘത്തിന് നേതൃത്വം നല്‍കുകയാണ് അദ്ദേഹത്തിന്റെ ചുമതല. കാലിഫോര്‍ണിയയില്‍ നിന്നും ഇന്ത്യന്‍ വാട്‌സാപ്പിന്റെ കാര്യങ്ങള്‍ നിയന്ത്രിച്ചിരുന്ന അഭിജിത് ബോസ് ഇനി മുതല്‍ ഗുഡ്ഗാവ് ആസ്ഥാനമാക്കിയുള്ള വാട്‌സാപ്പ് ഇന്ത്യ

Spread the love

0 Comments

No Comments Yet!

You can be first to comment this post!

Leave a Reply