കോടീശ്വരനായ മുടിവെട്ടുകാരന്‍

ഒരു കോടീശ്വരന്‍ നിങ്ങളുടെ മുടിവെട്ടിത്തരുന്ന കാര്യം ഊഹിക്കാന്‍ കഴിയുമോ? ബംഗളുരുവിലെ ചിന്നസ്വാമി സ്റ്റേഡിയത്തിനടുത്തുള്ള ഇന്നര്‍ സ്പേസ് സലൂണില്‍ ചെന്നാല്‍, അസാധാരണമായ ഈ അനുഭവം നിങ്ങള്‍ക്കുമാസ്വദിക്കാം. ഇവിടെ നിങ്ങളുടെ മുടിവെട്ടുവാനെത്തുന്നയാള്‍ ഒരു കോടീശ്വരനാണ്. 255ലധികം ലക്ഷ്വറി കാറുകളുടെ ഉടമയായ ജി രമേശ് ബാബു.

കുട്ടിയായിരുന്നപ്പോള്‍തന്നെ അച്ഛനെ നഷ്ടപ്പെട്ട രമേശിന് പ്ലസ്ടു പൂര്‍ത്തിയാക്കുവാനായില്ല. ബാര്‍ബറായിരുന്ന അച്ഛന്റെ അപ്രതീക്ഷിത മരണം കുടുംബത്തെ തളര്‍ത്തി. പിന്നീട് അമ്മ വീട്ടുജോലിക്കുപോയാണ് കുടുംബ കാര്യങ്ങള്‍ നോക്കിയിരുന്നത്. അച്ഛന്റെ ബാര്‍ബര്‍ഷോപ്പ് വില്‍ക്കുവാന്‍ മനസു വരാത്തതിതാന്‍ ആ മുറി അവര്‍ അത് 5 രൂപ പ്രതിദിന വാടയ്ക്കു നല്‍കി. എങ്കിലും പ്രീയൂണിവേഴ്സിറ്റിയ്ക്കു ശേഷം ഇലക്ട്രോണിക്സ് ഡിപ്ലോമ സ്വന്തമാക്കാന്‍ രമേശിനായി.

പഠനശേഷം ഇന്നര്‍ സ്പേയ്സ് എന്ന കമ്പനിയില്‍ ജോലിയില്‍ പ്രവേശിച്ചു. സ്വന്തമായൊരു കാര്‍ എന്നതായിരുന്നു രമേശിന്റെ എക്കാലത്തേയും വലിയ സ്വപ്നം. കുറച്ചു നാളുകള്‍ക്കു ശേഷം ഒരു ഒമിനി വാന്‍ സ്വന്തമാക്കാനുള്ള സമ്പാദ്യം സ്വരൂപിച്ച രമേശ് ഒമിനി വാങ്ങി വാടകയ്ക്കു നല്‍കാന്‍ തീരുമാനിച്ചു. അവിടെവെച്ചാണ് രമേശിന്റെ ജീവിതം മാറുന്നത്.

വാടകയ്ക്ക് കാര്‍ ആവശ്യപ്പെട്ട് എത്തുന്നവരുടെ എണ്ണം വര്‍ധിച്ചതോടെ ചെറിയ ലാഭമൊക്കെ കിട്ടിത്തുടങ്ങി, വണ്ടികളുടെ എണ്ണം വര്‍ധിച്ചു. അതിനിടെ ഒരു മെഴ്സിഡസ് ബെന്‍സ് കാര്‍ വാങ്ങി. ആഡംബര കാറുകള്‍ വാടകയ്ക്ക് കൊടുക്കുന്ന ഒരു ഏജന്‍സിയും നഗരത്തില്‍ ഇല്ലാതിരുന്ന കാലമായിരുന്നു അത്. അതോടെ വന്‍കിടക്കാര്‍ രമേശ് ബാബുവിനെ തേടിയെത്തിത്തുടങ്ങി. രാഷ്ട്രീയക്കാരും സിനിമാക്കാരും ബിസിനസുകാരുമെല്ലാം രമേശ് ബാബുവിനെ തേടി വന്നു. ആഡംബര വാഹനങ്ങള്‍ ഏറി. ഐശ്വര്യ റായിയും അമിതാബ് ബച്ചനും ഷാരൂഖ് ഖാനുമെല്ലാം തന്റെ കാറില്‍ സഞ്ചരിച്ചതായി രമേശ് വ്യക്തമാക്കുന്നു. ഇന്ന് 255ല്‍പരം ആഢംബര കാറുകളാണ് രമേശിന്റെ ഉടമസ്ഥതയിലുള്ളത്.

എങ്കിലും ഇപ്പോഴും രമേശ് ബാബു തന്റെ ജോലി മറന്നിട്ടില്ല. പാരമ്പര്യ തൊഴില്‍ മറന്നൊരു പ്രവര്‍ത്തനവുമില്ല രമേശിന്. എന്നും രാവിലെ ഗ്യാരിയേജിലേക്കു പോവും. പത്തര വരെ ഓഫീസില്‍. പിന്നീട് വൈകിട്ട് അഞ്ചര വരെ സലൂണില്‍. രമേശിന്റെ മുടിവെട്ടല്‍ ഇഷ്ടപ്പെടുന്ന ധാരാളം സ്ഥിരം കക്ഷികള്‍ നാട്ടിലുണ്ട്. അവരെ കൂടാതെ കൊല്‍ക്കത്തിയില്‍ നിന്നും മുംബൈയില്‍ നിന്നുമെല്ലാം തന്നെ തേടി കസ്റ്റമേഴ്സ് എത്താറുണ്ടെന്നാണ് രമേശ് പറയുന്നു. കോടികളുടെ ആസ്ഥിയുണ്ടെങ്കിലും വെറും 65 രൂപയ്ക്കാണ് ഇന്നും അദ്ദേഹം വെട്ടിക്കൊടുക്കുന്നത്. തന്റെ മക്കളും ഈ തൊഴില്‍ പഠിച്ചു വളരണം എന്നാണ് രമേശിന്റെ ആഗ്രഹം. അതിനാല്‍ അവരെയും മുടിവെട്ടാന്‍ പഠിപ്പിക്കുന്നുണ്ട്. എത്ര വളര്‍ന്നാലും വേരുകള്‍ മറക്കരുത് എന്നതാണ് രമേശിന്റെ തത്വം.

 

Spread the love
Previous സ്വര്‍ണ വില ഉയര്‍ന്നു
Next ഐഡിയ വോഡാഫോണ്‍ ലയനെ 2018ല്‍ പൂര്‍ത്തിയാകും

You might also like

Special Story

പ്രകൃതിക്കു വേണ്ടി ഒരിടം

കൊച്ചിയുടെ നഗരത്തിരക്കുകളില്‍ നിന്നും മാറി കലൂരിനടുത്ത് അയ്യപ്പന്‍കാവിലെ ഷമീല്‍ റഷീദ് എന്ന ആര്‍ക്കിടെക്ടിന്റെ വീട് ചെന്നവസാനിക്കുന്നത് അര്‍ബന്‍ ലിവിങ് ഐഡിയാസ് എന്ന ഇന്‍ഡോര്‍ പോട്‌സും, പ്ലാന്റ്‌സും വില്‍ക്കുന്ന ഷോപ്പിലേക്കാണ്. വീടിനോട് ചേര്‍ന്ന് തന്നെ പ്രകൃതിക്കു വേണ്ടി ഷമീല്‍ ഒരിടം കണ്ടെത്തിയപ്പോള്‍ മുറ്റത്തു

Spread the love
Special Story

കശുവണ്ടി പ്രോസസ് ചെയ്ത് വീട്ടിലിരുന്ന് കാശുണ്ടാക്കാം

കശുവണ്ടി പരിപ്പ് പ്രോസസ് ചെയ്ത് വ്യത്യസ്ത ഫ്‌ളേവറുകളില്‍ വറുത്ത് വില്‍ക്കുന്നത് ലളിതവും ലാഭകരവുമായ ഒരു സംരംഭമാണ്. നമ്മുടെ നാട്ടില്‍ കശുവണ്ടി പ്രോസസ് ചെയ്ത് പരിപ്പെടുത്ത് പായ്ക്ക് ചെയ്ത് സ്വദേശത്തും വിദേശത്തും വില്‍ക്കുന്ന ധാരാളം കമ്പനികളുണ്ട്. അവിടെ നിന്ന് കശുവണ്ടി പരിപ്പ് കുറഞ്ഞ

Spread the love
SPECIAL STORY

പാരമ്പര്യ ആയുര്‍വേദത്തെ ലോകത്തിന് മുന്നിലേക്കെത്തിച്ച് യന്ത്ര ആയുര്‍വേദിക് റിസോര്‍ട്ട്

ആയുര്‍വേദ ചികിത്സാ രീതിയെ അതിന്റെ പൂര്‍ണരൂപത്തോടെ ചെയ്ത് ലോകത്തിന് മുന്നിലവതരിപ്പിച്ച റിസോര്‍ട്ടുകളെടുക്കുകയാണെങ്കില്‍ അതില്‍ യന്ത്ര ആയുര്‍വേദിക് റിസോര്‍ട്ടിന്റെ സ്ഥാനം മുന്‍നിരയിലായിരിക്കും. ഡോ. മനോജ് ഖാന്‍ എന്ന ദീര്‍ഘദര്‍ശിയുടെ വിഷന്‍ ആണ് യന്ത്ര ആയുര്‍വേദിക് റിസോര്‍ട്ടിലൂടെ സാധ്യമായത്. ഭാരതീയ പാരമ്പര്യ ചികിത്സാരീതിയായ ആയുര്‍വേദത്തെ

Spread the love

0 Comments

No Comments Yet!

You can be first to comment this post!

Leave a Reply