കാംറി ഹൈബ്രിഡ് ഇന്ത്യയിലെത്തി

ടൊയോട്ടൊയുടെ കാംറി ഹൈബ്രിഡ് ഇന്ത്യയിലെത്തി; 37.22 ലക്ഷം രൂപയാണ് ഡല്‍ഹി എക്‌സ്‌ഷോറൂം വില. കാഴ്ചയില്‍ കാര്യമായ മാറ്റമൊന്നുമില്ലാതെയെത്തുന്ന ‘ഹൈബ്രിഡ് കാംറി’യില്‍ വീതിയേറിയ മുന്‍ ഗ്രില്ലും ഓട്ടമാറ്റിക് എല്‍ ഇ ഡി ഹെഡ്‌ലാംപും ഇടംപിടിക്കുന്നുണ്ട്. ബൂട്ട് ലിഡിലും ബംപറിലും ക്രോം സ്ട്രിപ്പുമുണ്ട്. അകത്തളത്തില്‍ ചില്ലറ വ്യത്യാസങ്ങളോടെയാണ് കാംറി ഹൈബ്രിഡ് ത്തുന്നത്.

 

ഡാഷ്‌ബോഡിലും സ്റ്റീയറിങ് വീലിലും സെന്റര്‍ കണ്‍സോളിലും ഡോര്‍ ട്രിമ്മിലും കാര്‍ബണ്‍ വുഡ് ഫിനിഷ് സഹിതം ടാന്‍ നിറമുള്ള അപ്‌ഹോള്‍സ്ട്രിയാണ് കാബിനു തെരഞ്ഞെടുത്തിരിക്കുന്നത്. മുന്‍ മോഡലിലെ നാലു സ്‌പോക്ക് സ്റ്റീയറിങ് വീലിനു പകരം മൂന്നു സ്‌പോക്ക് യൂണിറ്റ് ഇടംപിടിക്കുന്നു. ടച്ച്‌സ്‌ക്രീന്‍ ഇന്‍ഫൊടെയ്ന്‍മെന്റ് സംവിധാനം പരിഷ്‌കരിച്ചിട്ടുണ്ട്. 21 സ്പീക്കര്‍ ഓഡിയോ സംവിധാനവും ലഭ്യമാക്കിയിട്ടുണ്ട്. വയര്‍ലെസ് ചാര്‍ജിങ് പാഡ്, ലംബാര്‍ സപ്പോട്ടോടെ എട്ടു തരത്തില്‍ ക്രമീകരിക്കാവുന്ന മുന്‍സീറ്റ്, മെമ്മറി ഫംക്ഷന്‍, വെന്റിലേഷന്‍, മൂന്നു മേഖലകളായി വിഭജിച്ച ക്ലൈമറ്റ് കണ്‍ട്രോള്‍, പവര്‍ റിക്ലൈനിങ് പിന്‍സീറ്റ്, കൊളാപ്‌സിബ്ള്‍ ഹെഡ്‌റസ്റ്റ് എന്നിവയും കാറിലുണ്ട്.

 

മികച്ച സുരക്ഷയ്ക്കായി ഒന്‍പത് എയര്‍ബാഗ്, എബിഎസ്, ഇബിഡി, ബ്രേക്ക് അസിസ്റ്റ്, വെഹിക്കിള്‍ സ്റ്റെബിലിറ്റി കണ്‍ട്രോള്‍, ഇലക്ട്രോണിക്കലി കണ്‍ട്രോള്‍ഡ് ബ്രേക്ക് സിസ്റ്റം, ഹില്‍ അസിസ്റ്റ് കണ്‍ട്രോള്‍, ചൈല്‍ഡ് സീറ്റിന് ഐസോഫിക്‌സും ടോപ് ടിതര്‍ കണ്‍ട്രോള്‍ തുടങ്ങിയവയുമൊക്കെ കാറിലുണ്ട്.

 

കാറിനു കരുത്തേകുന്നത് 2.5 ലീറ്റര്‍, ഇന്‍ ലൈന്‍ ഫോര്‍ സിലിണ്ടര്‍ എന്‍ജിനാണ്; 5750 ആര്‍പിഎമ്മില്‍ 160 ബി എച്ച് പി കരുത്തും 4500 ആര്‍ പി എമ്മില്‍ 213 എന്‍എംടോര്‍ക്കുമാണ് ഈ എന്‍ജിന്‍ സൃഷ്ടിക്കുക. 650 വോള്‍ട്ട് സിങ്ക്രോണസ് മോട്ടോറാണു കാറിലെ ഹൈബ്രിഡ് സംവിധാനം; 143 ബിഎച്ച്പി കരുത്തും 270 എന്‍എംടോര്‍ക്കുമാണ് ഈ സംവിധാനം സൃഷ്ടിക്കുക. 6.5 എഎച്ച് ശേഷിയുള്ള 245 വോള്‍ട്ട് നിക്കല്‍ മെറ്റല്‍ ഡൈബ്രൈഡ് ബാറ്ററിയാണു കാറിലെ ഹൈബ്രിഡ് സംവിധാനത്തിന്റെ പിന്‍ബലം. ‘ഇകോ’, ‘ഇവി’ ഡ്രൈവിങ് മോഡുകളോടെ എത്തുന്ന കാറിലെ സംയുക്ത പവര്‍ ഔട്ട്പുട്ട് 205 ബിഎച്ച്പിയാണ്.

Previous ഫെയ്‌സ്ബുക്ക് ബുള്ളിയിങ് - ഒടുവിലെ ഇര ചീനവല
Next ഇലക്ട്രിക് സൈക്കിളുമായി ലംബോര്‍ഗിനി

You might also like

AUTO

സ്വിഫ്റ്റിനു സൂപ്പര്‍ സ്‌പെഷ്യല്‍ എഡിഷനുമായി മാരുതി സുസുക്കി

വാഹന പ്രേമികളുടെ പ്രിയങ്കരനായ സ്വിഫ്റ്റിനു സൂപ്പര്‍ സ്‌പെഷ്യല്‍ എഡീഷനുമായി മാരുതി സുസുക്കി. എല്‍എക്‌സ്ഐ, എല്‍ഡിഐ മോഡലുകളെയാണ് ലിമിറ്റഡ് എഡീഷനായി മാരുതി അവതരിപ്പിക്കുന്നത്. ബോഡി കളര്‍ ഡോര്‍ഹാന്‍ഡില്‍ ആന്‍ഡ് റിയര്‍വ്യൂ മിറര്‍, മിഡ് വേരിയന്റില്‍ നല്‍കുന്ന എക്സ്റ്റീരിയറില്‍ സ്‌പോര്‍ട്ടി ബ്ലാക്ക് വീല്‍കപ്പ് എന്നിവയും

AUTO

ഹീറോ ആവ ഉടനെത്തും

പുതിയ മൂന്നു സ്‌കൂട്ടറുകള്‍ ഉടന്‍ വിപണിയിലെത്തിക്കുമെന്ന് ഹീറോ മോട്ടോര്‍ കോര്‍പ് നേരത്തെ വ്യക്തമാക്കിയിരുന്നു. ഇക്കൂട്ടത്തില്‍ നിന്നും 125 സിസി എന്‍ജിന്‍ കരുത്തുള്ള ഹീറോ ആവ സ്‌കൂട്ടറാണ് ആദ്യമെത്തുക എന്നാണ് റിപ്പോര്‍ട്ടുകള്‍. 2018 ഫെബ്രുവരിയില്‍ നടക്കാനിരിക്കുന്ന ഓട്ടോ എക്‌സ്‌പോയ്ക്ക് മുന്‍പുതന്നെ ഹീറോ ആവ

AUTO

മോഹിപ്പിക്കും മാരുതി സ്വിഫ്റ്റ്

ഇന്ത്യന്‍ കാറുകളിലെ മോഹിപ്പിക്കുന്ന സുന്ദരി അന്നും ഇന്നും സ്വിഫ്റ്റ് തന്നെ. കാഴ്ചയില്‍ മാത്രമല്ല മികച്ച എന്‍ജിന്‍ഫെര്‍ഫോമന്‍സ്, മികച്ച മൈലേജ്, കുറഞ്ഞ പരിപാലനച്ചെലവ് എന്നിവ കൊണ്ടും ഇന്ത്യാക്കാരുടെ ഇഷ്ട കാറായി സ്വിഫ്റ്റ് മാറി. സാധാരണക്കാരുടെ മിനി കൂപ്പര്‍ എന്നു വിളിക്കുന്ന സ്വിഫ്റ്റ് 2005

0 Comments

No Comments Yet!

You can be first to comment this post!

Leave a Reply