ഏലക്കൃഷിയിലൂടെ നേടാം പ്രതിവര്‍ഷം ലക്ഷങ്ങള്‍

സുഗന്ധവ്യഞ്ജനങ്ങളുടെ റാണിയാണ് ഏലം. ഏലത്തിന്റെ പ്രധാന ഉത്പാദകരിലൊന്ന് ഇന്ത്യയുമാണ്. ഔഷധമായും കറിക്കൂട്ടുകളിലും ഉപയോഗിച്ചു വരുന്നു. ഉദരസംബന്ധമായ അസുഖങ്ങള്‍ക്ക് പൊടിച്ചെടുത്ത ഏലക്കായ്കള്‍ക്കൊപ്പം ഇഞ്ചിയോ ഗ്രാമ്പുവോ ശീമജീരകമോ ചേര്‍ത്ത് ഉപയോഗിക്കുന്നത് ആശ്വാസദായകമാണ്. മൂത്രം കൂടുതലായി പോകുന്നതിനും, വായുക്ഷോഭത്തിനും ഉത്തേജകമായും ഏലം ഉപയോഗിക്കുന്നുണ്ട്. മനംപിരട്ടലും ഛര്‍ദ്ദിയും ഒഴിവാക്കാന്‍ ഏലം നല്ലതാണ്.

 

ഹൃദയത്തിന് ഉത്തേജനം നല്‍കുന്നതിനും മനോവിഷമത്തിനും രക്തസമ്മര്‍ദ്ദം കുറയ്ക്കുന്നതിനും ഏലക്കായ് ഉപയോഗിക്കാവുന്നതാണ്. ഭാരതത്തില്‍ കേരളം, കര്‍ണ്ണാടകം, തമിഴ്നാട് എന്നീ സംസ്ഥാനങ്ങളില്‍ ഏലം കൃഷി ചെയ്തു വരുന്നു.
കായിക പ്രവര്‍ദ്ധനം വഴിയും വിത്ത് മുളപ്പിച്ചും ഏലം കൃഷിയിറക്കാന്‍ വേണ്ട തൈകള്‍ തയ്യാറാക്കാം. അത്യുല്‍പാദനശേഷിയുള്ള ഇനങ്ങളുടെ തൈകള്‍ ഉല്പാദിപ്പിക്കുന്നതിന് ക്ലോണല്‍ നഴ്സറി തയ്യാറാക്കണം. നല്ല ആരോഗ്യമുള്ളതും രോഗകീടങ്ങളില്ലാത്തതുമായ മാതൃസസ്യങ്ങളില്‍ നിന്നും തട്ടകള്‍ വേരോടെ വേര്‍പ്പെടുത്തിയെടുക്കണം. ഇത്തരംതട്ടകളില്‍ പൂര്‍ണ്ണവളര്‍ച്ചയെത്തിയ 1-2 ചിനപ്പുകളും വളര്‍ന്നു വരുന്ന 1-2 ചിനപ്പുകളും ഉണ്ടായിരിക്കേണ്ടതാണ്. വിത്ത് മുളപ്പിച്ച് തൈകള്‍ ഉല്‍പ്പാദിപ്പിക്കുന്നതിന് ഒന്നാം തവണയും രണ്ടാം തവണയും അനിവാര്യമാണ്. ഏലച്ചെടികള്‍ നട്ടുപിടിപ്പിക്കുന്നത് മഴക്കാലത്തിന്റെ ആരംഭത്തില്‍ ജൂണ്‍-ജൂലൈ മാസങ്ങളിലാണ്. ചെറിയ മഴചാറ്റല്‍ ഉള്ള ദിവസങ്ങളാണ് നടീലിന് ഉത്തമം. വളരെയധികം ആഴത്തില്‍ ചെടി നട്ടാല്‍ പുതിയ തണ്ടുകളുടെ വളര്‍ച്ച തടസ്സപ്പെടാം. നട്ടതിനു ശേഷം ചെടിക്ക് കാറ്റില്‍ നിന്നും സംരക്ഷണ ലഭിക്കാന്‍ കുറ്റി മണ്ണില്‍ താഴ്ത്തി കെട്ടി വയ്ക്കണം. തൈകളുടെ ചുവട്ടില്‍ ഉണങ്ങിയ ഇലകള്‍ ഉപയോഗിച്ച് പുതയിടണം.

 

തടത്തില്‍ വെള്ളം കെട്ടിനില്‍ക്കാതിരിക്കാന്‍ ശ്രദ്ധിക്കണം. വെള്ളം കെട്ടിക്കിടക്കുന്നതായി കണ്ടാല്‍ ഒഴുകിപ്പോകാന്‍ വഴിയൊരുക്കണം. നീര്‍ക്കുഴികള്‍ കൃത്യമായി വൃത്തിയാക്കി വെള്ളമൊഴുക്ക് ഉറപ്പാക്കണം. വളരെയധികം വെയിലേറ്റാല്‍ തളര്‍ന്നുകരിഞ്ഞു പോകുമെന്നതിനാല്‍ തണല്‍ ക്രമീകരണം ഏലത്തോട്ടങ്ങളില്‍ അത്യാവശ്യമാണ്. ഏലച്ചെടികളുടെ മൂത്തതും ഉണങ്ങിയതുമായ തണ്ടുകളും ഇലകളും കോതിക്കളഞ്ഞാല്‍ ആവശ്യത്തിന് സൂര്യപ്രകാശവും വായുസഞ്ചാരവും ലഭിക്കും. പൂങ്കുലകള്‍ പുതയ്ക്ക് മുകളിലാണെന്ന് ഉറപ്പാക്കുകയും വേണം. തണ്ടുതുരപ്പന്റെ ആക്രമണം നിരീക്ഷിച്ചാല്‍ ക്വിനാല്‍ഫോസ് പോലെയുള്ള കീടനാശിനികള്‍ നൂറുലിറ്ററില്‍ 200 മില്ലിലിറ്റര്‍ എന്ന തോതില്‍ തളിച്ചുകൊടുക്കാം. ജൂലൈ-ആഗസ്റ്റ് മാസങ്ങളില്‍ നിമാവിരകളുടെ ആക്രമണമുണ്ടായാല്‍ ചെടിയൊന്നിന് 250 ഗ്രാം വേപ്പിന്‍പിണ്ടാക്ക് ചേര്‍ത്തുകൊടുക്കാം.

 

നടീല്‍വസ്തുക്കളുടെ സ്വഭാവമനുസരിച്ച് ഏലച്ചെടികള്‍ നട്ട് രണ്ട് അഥവാ മൂന്നാം വര്‍ഷം മുതല്‍ പുഷ്പിച്ചു തുടങ്ങും. ജൂണ്‍-ജൂലൈ മുതല്‍ ജനുവരി-ഫെബ്രുവരി വരെയാണ് കേരളത്തിലും തമിഴ്നാട്ടിലും വിളവെടുപ്പുകാലം. എന്നാല്‍ 15-30 ദിവസം ഇടവിട്ട് 6-7 തവണകളായി മാത്രമേ വിളവെടുപ്പ് പൂര്‍ത്തിയാക്കാന്‍ സാധിക്കുകയുള്ളൂ. വിളവെടുത്ത കായ്കള്‍ നന്നായി വെള്ളത്തില്‍ കഴുകിവൃത്തിയാക്കി സൂര്യപ്രകാശം മൂലമോ ഡ്രൈയര്‍ ഉപയോഗിച്ചോ ഉണക്കാവുന്നതാണ്. ഇപ്പോള്‍ ഏലത്തിന് കിലോ ആയിരം രൂപയുടെ അടുത്ത് വിലയുണ്ട്. ഉത്പന്നം മാര്‍ക്കറ്റിലെത്തിച്ചാല്‍ നല്ല പ്രതിഫലം കിട്ടുമെന്നുറപ്പ്.

Spread the love
Previous 'വിശപ്പകറ്റാന്‍ കൈകോര്‍ക്കാം ' എന്ന ആശയവുമായി കൊച്ചിന്‍ ഫുഡിസ്
Next ഊദ് നിര്‍മാണത്തിലൂടെ നേടാം പ്രതിമാസം ഒരു ലക്ഷം

You might also like

Home Slider

പതിറ്റാണ്ടിലെ ഏറ്റവും വലിയ പ്രളയം ; നാസ

ഡൽഹി: കേരളത്തിൽ ഉണ്ടായത് ഇന്ത്യ നേരിട്ട ഏറ്റവും വലിയ പ്രളയമാണെന്ന് നാസ. ഇന്ത്യയിൽ പെയ്ത മഴയുടെ കണക്കുകൾ അപഗ്രഥിച്ചാണ് നാസയുടെ നിഗമനം. ജൂലൈ 19 മുതൽ ഓഗസ്റ്റ് 18 വരെ പെയ്ത മഴയുടെ ഉപഗ്രഹ വീഡിയോ ദൃശ്യങ്ങൾ നാസ പുറത്ത് വിട്ടിരുന്നു.

Spread the love
NEWS

ആപ്പിള്‍ വേള്‍ഡ് വൈഡ് കോണ്‍ഫറന്‍സിന് വ്യാഴാഴ്ച തുടക്കമാകും

ടെക് ലോകത്തിന് പുത്തന്‍ പ്രതീക്ഷയേകി ആപ്പിളിന്റെ വാര്‍ഷിക വേള്‍ഡ് വൈഡ് സെവലപ്പേഴ്‌സ് കോണ്‍ഫറന്‍സിന് തിങ്കളാഴ്ച തുടക്കമാകും. ഒരാഴ്ച നീണ്ടുനില്‍ക്കുന്ന കോണ്‍ഫറന്‍സില്‍ വരാന്‍ പോകുന്ന പ്രൊഡക്ടുകളെക്കുറിച്ചും , സോഫ്റ്റുവെയര്‍ അപ്‌ഡേറ്റുകളെ ക്കുറിച്ചും കമ്പിനി സൂചന നല്‍കാറുണ്ട്. ഇത്തവണ ആപ്പിളിന്റെ വോയ്‌സ് അസിസ്റ്റന്‍ഡ് സംവിധാനമായ സിരി

Spread the love
Business News

ഊബര്‍ മാത്രമല്ല ഒലയും തുടങ്ങി ഫുഡ് ഡെലിവറി

ഓണ്‍ലൈന്‍ ടാക്‌സി രംഗത്തെ് ആഗോള ഭീമന്മാരായ ഒലക്കും ഊബറിനും മത്സരത്തിനായി മറ്റൊരു കളം കൂടി ഒരുങ്ങിക്കഴിഞ്ഞു. ഊബറിനു പിന്നാലെ ഓലയും ഓണ്‍ലൈന്‍ ഫുഡ് ഡെലിവറി രംഗത്തേക്ക് ചുവടുവച്ചിരിക്കുന്നു. നേരത്തെതന്നെ സംസ്ഥാനത്തെ പ്രമുഖ നഗരങ്ങളില്‍ ഓണ്‍ലൈന്‍ ഫുഡ് ഡെലിവറി രംഗത്ത് ഊബര്‍ സ്ഥാനം

Spread the love

0 Comments

No Comments Yet!

You can be first to comment this post!

Leave a Reply