ഇലക്കറികള്‍ ഗുണങ്ങളേറെ

ഇലക്കറികള്‍ ഗുണങ്ങളേറെ

ആരോഗ്യ രക്ഷയ്ക്ക് ഇലകള്‍ ആഹാരത്തില്‍ ഉള്‍പ്പെടുത്തുക എന്നത് പഴമക്കാരുടെ ജീവിത ശൈലിയായിരുന്നു. എന്നാല്‍ ഇന്ന് ആ ശീലത്തിന് മാറ്റം വന്നു തുടങ്ങിയിട്ടുണ്ട്. ഇതോടെ ജീവിതശൈലി രോഗങ്ങളും നമ്മെ ആക്രമിച്ച് തുടങ്ങി. വല്ലപ്പോഴും ഇലകളിലേക്ക് നമ്മള്‍ ഒരു തിരിച്ചുപോക്ക് നടത്തിയാല്‍ നമുക്ക് ആരോഗ്യപരമായ ഒരു സമൂഹത്തെ വാര്‍ത്തെടുക്കാന്‍ കഴിയും.  ആയൂര്‍ വേദത്തില്‍ ദശപുഷ്പങ്ങളെക്കുറിച്ചും പത്തിലകളെ ക്കുറിച്ചും പരാമര്‍ശിക്കുന്നുണ്ട്. ഇതാ ആരോഗ്യം പ്രദാനം ചെയ്യുന്ന പത്തിലകള്‍.
തഴുതാമ: രോഗപ്രതിരോധശേഷിയ്ക്ക് അത്യൂത്തമമാണ് തഴുതാമയില. ശരീരത്തിലെ കൊഴുപ്പ് നിയന്ത്രിക്കാനും, രക്തത്തിലെ കൊളസ്‌ട്രോള്‍ കുറയ്ക്കാനും ഇവയ്ക്ക് കഴിയുന്നുണ്ട്. രക്തക്കുറവ് പരിഹരിച്ച് വിളര്‍ച്ച അകറ്റാനും ഇത് അത്യുത്തമം.
മത്തയില: മത്തയുടെ തളിരില, പൂവ്, കായ് ,തണ്ട് ഇവയെല്ലാം ഭക്ഷ്യയോഗ്യമാണ്. ജീവകം സി യുടെ കലവറ കൂടിയാണ് മത്ത. ദഹന സംബന്ധമായ പ്രശ്‌നങ്ങള്‍ പരിഹരിക്കാന്‍ ഇത് ഉത്തമമാണ്.
പയറില: പയറുവര്‍ഗ്ഗങ്ങളില്‍ ഏറെ അത്യുത്തമം ചെറുപയറാണ്. ഇതിന്റെ ഇലയും ഗുണകരമാണ്. ശരീരകാന്തിയും ദഹനവും വര്‍ധിപ്പിക്കാന്‍ ഇത് നല്ലതാണ്. കരള്‍ വീക്കം ശമിപ്പിക്കാന്‍ ഉത്തമമായ പയറിലയില്‍ മാസ്യം, ധാതുക്കള്‍, ജീവകം എ, സി എന്നിവ ധാരളമായി അടങ്ങിയിട്ടുണ്ട്.
മുള്ളന്‍ ചീര: മുള്ളന്‍ചീരയുടെ ഇലകളും , തണ്ടും  ഭക്ഷ്യയോഗ്യമാണ്. മൂത്രാശയ രോഗങ്ങള്‍, ത്വക്ക് രോഗങ്ങള്‍ ഇവ അകറ്റാനും മുള്ളന്‍ ചീര സഹായിക്കുന്നു.
തകരയില: തകരയിലയില്‍ എ മോഡിന്‍ എന്ന ഗ്ലൂക്കോസൈഡ് അടങ്ങിയിട്ടുണ്ട്.  ചര്‍മ്മരോഗങ്ങളെ പ്രതിരോധിക്കുന്നതിനൊപ്പം കുട്ടികളിലെ ചര്‍മ്മ സംബന്ധമായ പ്രശ്‌നങ്ങള്‍ പരിഹരിക്കുന്നതിനും ഇത് ഉപയോഗിക്കുന്നു.
കൊടകന്‍ ഇല: തലച്ചോറിലെ ഞരമ്പുകളെ ശക്തിപ്പെടുത്തുന്നതിനും, ബുദ്ധിശക്തിയ്ക്കും, ഓര്‍മ്മശക്തിയ്ക്കും ഉത്തമമാണ് കൊടകന്‍ ഇല. അപസ്മാരം, ബുദ്ധിക്കുറവ്, ആര്‍ത്തവ സംബന്ധമായ പ്രശ്‌നങ്ങള്‍ ഇവയ്ക്ക് പരഹാരമായി ഇത് ഉപയോഗിക്കാം.
ഉപ്പൂഞ്ഞന്‍: രക്തശുദ്ധിയ്ക്ക് അത്യുത്തമമാണ് ഉപ്പൂഞ്ഞന്‍. കഫം കുറയ്ക്കാനും , ശരീരകാന്തിയ്ക്കും ഉപയോഗിക്കാം.
കരിക്കാടി: തൊണ്ണൂറു ശതമാനവും ജലാംശം അടങ്ങിയ ഈ ഇലയില്‍ മാംസ്യം, ധാതുക്കള്‍, ജീവകം എന്നിവ അടങ്ങിയിരിക്കുന്നു.
കുമ്പള ഇല: വള്ളിച്ചെടികളുടെ ഇലകളില്‍ ഏറ്റവും ഉത്തമമാണിത്. കുമ്പള ഇല തോരനുണ്ടാക്കി മുടങ്ങാതെ കഴിച്ചാല്‍ ബുദ്ധിശക്തിയും, ശരീരകാന്തിയും വര്‍ധിക്കും.
മണിതക്കാളി: ഉഷ്ണ വീര്യമുള്ള ഈ ഔഷധസസ്യം രണ്ടു തരത്തിലുണ്ട്. പഴക്കുമ്പോള്‍ കായ്ക്ക് ചുവന്ന നിറമുള്ളതും , കറുത്ത നിറമുള്ളതും . കറുത്ത നിറമുള്ളത് കൂടുതല്‍ ഗുണകരമാണ്. ഇത് വേദനസംഹാരിയായും ഉപയോഗിക്കാം. വായ്പുണ്ണിനും ഉത്തമമാണ്.
Previous കെ.എഫ്.സി പലിശ നിരക്ക് കുറച്ചു
Next സോയ ഉല്‍പ്പന്നങ്ങള്‍ക്ക് വിപണിയില്‍ വന്‍ സാധ്യത

You might also like

LIFE STYLE

കുറഞ്ഞ ചിലവേ വരൂ; സുന്ദരമാക്കാം നിങ്ങളുടെ വീട്

മനോഹരമായൊരു വീട് എല്ലാവരുടെയും സ്വപ്‌നമാണ്. വീട് എന്ന ആശയം നാല് ചുവരുകള്‍ക്കപ്പുറത്തേക്ക് വളര്‍ന്നിട്ടുണ്ട്. ഭംഗിയായും വൃത്തിയായും അലങ്കരിച്ച് മാറ്റിയെടുക്കാനാണ് എല്ലാവരും ആഗ്രഹിക്കുന്നത്. എന്നാല്‍ വീട് നിര്‍മ്മാണം കഴിയുമ്പോഴെക്കും കീശ കാലിയാകും. സാമ്പത്തികമായ പ്രശ്‌നങ്ങള്‍ കാരണം വീട് അലങ്കരിക്കുന്നത് പിന്നീട് ചെയ്യാമെന്ന ധാരണയില്‍

NEWS

കരിപ്പൂര്‍ ചിറക് വിരിക്കുന്നു; ഡിസംബര്‍ 5 മുതല്‍ വലിയ വിമാനങ്ങളിറങ്ങും

മലപ്പുറം: ഡിസംബര്‍ 5 മുതല്‍ വലിയ വിമാനങ്ങളുടെ സര്‍വ്വീസ് കരിപ്പൂര്‍ വിമാനത്താവളത്തില്‍ പുനഃരാരംഭിക്കും. നവീകരണത്തോടനുബന്ധിച്ച് റണ്‍വേ അടച്ചതോടെയാണ് വിമാനങ്ങളുടെ സര്‍വീസ് നിര്‍ത്തിവച്ചത്. രണ്‍വേയുടെ പൂര്‍ത്തികരണം നടത്തിയിട്ടും സര്‍വീസ് പുനഃരാരംഭിക്കാതിരുന്നത് പ്രതിഷേധത്തിനിടയാക്കിയിരുന്നു. ജിദ്ദയില്‍ നിന്നുള്ള സൗദി എയര്‍ലൈന്‍സിന്റെ വിമാനമാണ് ആദ്യം കരിപ്പൂരിലെത്തുക. ഡിസംബര്‍

LIFE STYLE

കള്ളിച്ചെടിയില്‍ വിരിയുന്ന പഴം

രാജേഷ് കാരാപ്പള്ളി ഡ്രാഗണ്‍ ഫ്രൂട്ട്… പേരില്‍ തന്നെ കൗതുകമുണര്‍ത്തുന്ന ഈ ചെടിയുടെ വരവ് വിയറ്റ്‌നാമില്‍ നിന്നാണ്. മലേഷ്യ വഴി കേരളത്തിലുമെത്തി നാട്ടിലെ കാലാവസ്ഥയ്ക്ക് അനുകൂലമായി വളര്‍ന്ന് ഫലം തന്നു തുടങ്ങിയിരിക്കുകയാണ് ഡ്രാഗണ്‍ ഫ്രൂട്ട്. കള്ളിമുള്‍ വര്‍ഗത്തിലെ വള്ളിച്ചെടിയാണ് ഡ്രാഗണ്‍ ഫ്രൂട്ട്. മരങ്ങളിലും

0 Comments

No Comments Yet!

You can be first to comment this post!

Leave a Reply