കുറഞ്ഞ മുതല്‍മുടക്ക് കൂടുതല്‍ ലാഭം; ധൈര്യമായി തുടങ്ങാം ഈ കൃഷി

കുറഞ്ഞ മുതല്‍മുടക്ക് കൂടുതല്‍ ലാഭം; ധൈര്യമായി തുടങ്ങാം ഈ കൃഷി

പൂക്കളുടെ വ്യവസായത്തിന്  വിപണിയില്‍ വലിയ സാധ്യതകളാണുള്ളത്. ഓരോ ആഘോഷങ്ങള്‍ക്കും എന്തുവിലകൊടുത്തും പൂക്കള്‍ വാങ്ങിക്കാന്‍ ആളുകള്‍ തയ്യാറാണ്. ഇതില്‍ തന്നെ ഏറ്റവുമധികം വിപണിനസാധ്യതയുളള പൂവാണ് കനകാംബരം. ഇന്ന് മുല്ലപ്പൂക്കള്‍ക്കുള്ള അത്രതന്നെ ആവശ്യക്കാര്‍ കനകാംബരത്തിനുമുണ്ട്. വരുമാനമുണ്ടാക്കാന്‍ കനകാംബരം മികച്ചൊരു കൃഷിരീതിയാണ്.

ചെടികള്‍ നട്ട് മൂന്ന് മാസത്തിനുളളില്‍ പുഷ്പിക്കുമെന്നത് പെട്ടന്ന് തന്നെ ആദായം ലഭിക്കാന്‍ ഇടയാക്കും. ഭൂമിയുള്ളവര്‍ക്ക് കുറഞ്ഞ മുതല്‍മുടക്കില്‍ ചെയ്യാവുന്ന കൃഷികൂടിയാണിത്. നനയും വളവും നല്‍കിയാല്‍ വര്‍ഷം മുഴുവനും പൂക്കള്‍ പറിക്കാം. ഒരു ഹെക്ടറില്‍ നിന്ന് അഞ്ചുടണ്‍ വരെ വിളവ് ലഭിക്കുന്ന കര്‍ഷകരുണ്ട്‌. സീസണില്‍ 500 രൂപ വിലയുണ്ട് . ഒരൊറ്റ സീസണില്‍ തന്നെ ലക്ഷങ്ങള്‍ കയ്യില്‍ വരും.  നിലവില്‍ തമിഴ്നാട്ടിലും കര്‍ണാടകയിലുമാണ് കനകാംബരം വ്യാപകമായി കൃഷി ചെയ്യുന്നത്.

അന്തരീക്ഷ ഊഷ്മാവില്‍ 30 മുതല്‍ 35 ഡിഗ്രി സെല്‍ഷ്യസില്‍ മികച്ച വളര്‍ച്ച ഉണ്ടാകും. മഞ്ഞ, ഓറഞ്ച്, സെബാക്കുലസ് റെഡ് തുടങ്ങിയ നിറത്തില്‍ കനകാംബരം ഉണ്ട്. നന്നായി പൊടിയാക്കിയ മണ്ണില്‍ ചാണകപ്പൊടിയും വേപ്പിന്‍ പിണ്ണാക്കും മണലും സമാസമം ചേര്‍ത്ത് നനച്ചിട്ട മണ്ണിലാണ് വിത്ത് പാകേണ്ടത്. കമ്പു മുറിച്ച് നട്ട് വേര് പിടിപ്പിച്ചും നടാവുന്നതാണ്. മുളച്ച് രണ്ടാഴ്ചയ്ക്കു ശേഷം നന്നായി അടി വളം ചേര്‍ത്ത മണ്ണിലേക്ക് പറിച്ചു നട്ട് വളര്‍ത്തിയെടുക്കാം. പറിച്ചു നടുന്ന സ്ഥലത്ത് നല്ല സൂര്യപ്രകാശം ലഭിക്കുമെന്ന് ഉറപ്പാക്കിയിരിക്കണം. പതിനഞ്ചു ദിവസം കൂടുമ്പോള്‍ ചാണകപ്പൊടി അടിയില്‍ വിതറി മണ്ണ് കൂട്ടി കൊടുക്കാം. ചെടി തഴച്ചു വളരാന്‍ ഹെക്ടറിന് 70 കിലോഗ്രാം യൂറിയയും 300 കിലോ സൂപ്പര്‍ ഫോസ്ഫേറ്റും 75 കിലോ പൊട്ടാഷും അടിവളമായി നല്‍കാറുണ്ട്. സാധാരണ പച്ചക്കറികള്‍ക്ക് ഉപയോഗിക്കുന്ന ജൈവ കീടനാശിനി വളമായി ഉപയോഗിക്കാം. ഇല ചുരുളല്‍, വേരു ചീയല്‍,വാട്ട എന്നീ രോഗങ്ങളാണ് കനകാംബരത്തിന് സാധാരണയായി കണ്ടു വരാറുള്ളത്.

Previous പോപ്‌കോണ്‍ നിര്‍മ്മാണത്തിലെ അനന്ത സാധ്യതകള്‍
Next അലര്‍ജികള്‍ തടയാന്‍ മഞ്ഞള്‍ ചായ

You might also like

NEWS

ജീവനോടെ കഴിക്കാം കടല്‍മുരിങ്ങ

സമുദ്രമത്സ്യ ഗവേഷണസ്ഥാപനം ഒരുക്കുന്ന മേളയില്‍ കടല്‍ മുരിങ്ങ (ഓയിസ്റ്റര്‍) കഴിക്കാന്‍ അവസരം. ഔഷധമൂല്യമുള്ള കടല്‍മുരിങ്ങ (ഓയിസ്റ്റര്‍) കര്‍ഷക സംഘങ്ങള്‍ നേരിട്ടു കൃഷിചെയ്തെടുക്കുന്നതാണ്. വിളവെടുത്ത ശേഷം ശുദ്ധീകരണം നടത്തിയാണു മേളയില്‍ വിപണനത്തിനെത്തുന്നത്.   പാചകം ചെയ്യാതെ തന്നെ കഴിക്കാനാകും. അപൂര്‍വ ധാതുലവണമായ സെലീനിയം

Business News

ഇളവുകള്‍ ആനുവദിച്ച് ധനകാര്യസ്ഥാപനങ്ങളുടെ ആശ്വാസനടപടി

ന്യൂഡല്‍ഹി: പ്രളയക്കെടുതിയില്‍പെട്ട സംസ്ഥാനത്തെ ജനങ്ങള്‍ക്ക് ധനകാര്യസ്ഥാപനങ്ങളുടെ ആശ്വാസനടപടി. വായ്പ, ഇന്‍ഷുറന്‍സ് പോളിസി ഉള്‍പ്പെടെ വിവിധ ധനകാര്യ ഇടപാടുകള്‍ക്ക് ധനകാര്യസ്ഥാപനങ്ങള്‍ ഇളവുകള്‍ അനുവദിച്ചു. മാസംതോറും അടയ്ക്കുന്ന വായ്പ തിരിച്ചടവായ ഇഎംഐയ്ക്ക് പ്രമുഖ പൊതുമേഖല സ്ഥാപനമായ എസ്ബിഐ ഇളവ് അനുവദിച്ചു. ഒരു മാസം സാവകാശമാണ്

SPECIAL STORY

തോമസുചേട്ടന്‍; പ്ലാവുകളുടെ കൂട്ടുകാരന്‍

നാടന്‍ പ്ലാവുകളുടെ പെരുമ തേടി പതിറ്റാണ്ടായുള്ള യാത്രയിലാണ് പാലാ, രാമപുരത്തെ കട്ടക്കയം വീട്ടില്‍ തോമസ്. ചക്കാമ്പുഴയിലെ ഇദ്ദേഹത്തിന്റെ തൊടിയിലെ നല്ല പ്ലാവിനങ്ങള്‍ പലതും കാലാന്തരത്തില്‍ നശിച്ചെങ്കിലും അവയുടെ രുചികരമായ ചക്കകളുടെ ഗുണം നിറഞ്ഞ പ്ലാവുകള്‍ കണ്ടെത്തി ഒട്ടുതൈകള്‍ തയ്യാറാക്കി തോട്ടത്തില്‍ നട്ടുവളര്‍ത്തുകയാണ്

0 Comments

No Comments Yet!

You can be first to comment this post!

Leave a Reply