കിറ്റൈക്‌സിന്റെ വരുമാനം 1000 കോടിയുടെ നെറുകയില്‍

കിറ്റൈക്‌സിന്റെ വരുമാനം 1000 കോടിയുടെ നെറുകയില്‍

കൊച്ചി: പ്രമുഖ വസ്ത്ര നിര്‍മ്മാതാക്കളായ കിറ്റെക്‌സിന്റെ മൊത്ത വരുമാനം 1000 കോടി കവിഞ്ഞു. 2018-19 സാമ്പത്തിക വര്‍ഷമാണ് 1005 കോടിയുടെ വരുമാനം നേടിയത്. കിറ്റെക്‌സ് ഗാര്‍മെന്റ്‌സ് ലിമിറ്റഡിന്റെ 630 കോടിയും കിറ്റെക്‌സ് ചില്‍ഡ്രന്‍സ് വെയര്‍ ലിമിറ്റഡിന്റെ 375 കോടിയും ഉള്‍പ്പെടെയാണിത്. കിറ്റെക്‌സ് ഗാര്‍മെന്റ്‌സ്് ലിമിറ്റഡിന്റെ മാത്രം വളര്‍ച്ച 12.38 ശതമാനമാണ്. കഴിഞ്ഞ സാമ്പത്തിക വര്‍ഷം 559 കോടിയായിരുന്നു കിറ്റെക്‌സ് ഗാര്‍മെന്റ്‌സിന്റെ വരുമാനം. അറ്റാദായം 16.32 ശതമാനം വളര്‍ച്ച രേഖപ്പെടുത്തി 81.45 കോടിയിലെത്തി. കഴിഞ്ഞ വര്‍ഷം ഇതേ കാലയളവില്‍ 70 കോടിയായിരുന്നു അറ്റാദായം. 2019 മാര്‍ച്ച് 31ന് അവസാനിച്ച അവസാന പാദത്തില്‍ മൊത്തം വരുമാനം 181.62 കോടിയാണ്, 37 ശതമാനത്തിന്റെ വര്‍ധന. അറ്റാദായം കഴിഞ്ഞ വര്‍ഷം ഇതേ കാലയളവില്‍ 10.32 കോടി ആയിരുന്നത് വര്‍ധിച്ച് 24.37 കോടിയായി.

 

കമ്പനിയുടെ മികച്ച പ്രകടനം ഓഹരി വിലയിലും പ്രതിഫലിച്ചു. കിറ്റെക്‌സിന്റെ ഓഹരി ഒന്നിന്റെ വരുമാനം 10.64 രൂപയില്‍ നിന്ന് 12.22 രൂപയായി വര്‍ധിച്ചു. ‘1000 കോടി എന്ന ലക്ഷ്യം കൈവരിക്കാന്‍ സാധിച്ചതില്‍ ഞങ്ങള്‍ അതീവ സന്തുഷ്ടരാണ്. 2025 ഓടെ കിറ്റെക്‌സ് ഗാര്‍മെന്റ്‌സില്‍ നിന്നുള്ള മൊത്ത വരുമാനം 2165 കോടിയും കിറ്റെക്‌സ് ചില്‍ഡ്രന്‍സ് വെയറില്‍ നിന്നുള്ളത് 1000 കോടിയുമായി ഉയര്‍ത്താനാണ് ലക്ഷ്യമിടുന്നത്,’ കിറ്റെക്‌സ് എം.ഡിയും സി.ഇ.ഒയുമായ സാബു.എം.ജേക്കബ്ബ് പറഞ്ഞു. കുഞ്ഞുടുപ്പുകളുടെ വസ്ത്രവ്യാപാര വിപണന രംഗത്ത് ലോകത്തിലെ മുന്‍നിര കമ്പനിയാണിന്ന് കിറ്റെക്‌സ്. പ്രതിദിനം ആറ് ലക്ഷം കുഞ്ഞുടുപ്പുകള്‍ കിഴക്കമ്പലത്തെ ഫാക്ടറിയില്‍ നിന്ന് ഉല്‍പ്പാദിപ്പിക്കുന്നു. ഇതില്‍ 90 ശതമാനം അമേരിക്കയിലേക്കാണ് കയറ്റി അയക്കുന്നത്. വാള്‍മാര്‍ട്ട്, ടാര്‍ജറ്റ്, ആമസോണ്‍, കാര്‍ട്ടേഴ്‌സ്, ഗര്‍ബര്‍, ഓഷ്‌കോഷ്, ബൈ ബൈ ബേബി, സാംസ് ക്ലബ്ബ് തുടങ്ങി ചില്ലറ വിപണന രംഗത്തെ ആഗോള ഭീമന്‍മാരുടെ പ്രധാന വിതരണക്കാരിലൊരാളാണ് കിറ്റെക്‌സ്. 2025 ഓടെ കുഞ്ഞുടുപ്പുകളുടെ പ്രതിദിന ഉല്‍പ്പാദനശേഷി 22 ലക്ഷമായി വര്‍ധിപ്പിക്കാനാണ് കിറ്റെക്‌സ് ലക്ഷ്യമിടുന്നത്. കിറ്റെക്‌സ് ഗാര്‍മെന്റ്‌സിലും ചില്‍ഡ്രന്‍സ് വെയറിലുമായി പതിനായിരത്തോളം ജീവനക്കാര്‍ തൊഴിലെടുക്കുന്നു. കുട്ടികളുടെ സോക്‌സ്, ഡയപ്പര്‍, ബേബി വെറ്റ് വൈപ്പ്‌സ് എന്നിങ്ങനെ പുതിയ ഉല്‍പ്പന്നങ്ങള്‍ കൂടി കിഴക്കമ്പലത്ത് നിന്ന് ആഗോളവിപണി ലക്ഷ്യമിട്ട് അണിയറയില്‍ ഒരുങ്ങുന്നു.

Spread the love
Previous മുയല്‍ വളര്‍ത്തലിലൂടെ ലാഭം കൊയ്യാം
Next സാമന്തയുടെ പുതിയ ചിത്രം ഓ ബേബിയുടെ ഫസ്റ്റ് ലുക്ക് പോസ്റ്റര്‍ പുറത്തിറങ്ങി

You might also like

Business News

ഗണേശ ചതുര്‍ത്ഥി; മാലിന്യം നിറഞ്ഞ് കൃഷ്ണ നദി

ഗണേശ ചതുര്‍ത്ഥിയുടെ ഭാഗമായി ആയിരത്തോളം വിഗ്രഹങ്ങള്‍ തള്ളിയതുമൂലം കൃഷ്ണ നദി മലിനമായി. കൃഷ്ണവേണി കടവിലാണ് വിഗ്രഹങ്ങള്‍ നിമജ്ജനം ചെയ്തത്. വിഗ്രഹങ്ങള്‍ക്കു മുകളില്‍ പൂശുന്ന രാസ വസ്തുക്കള്‍ വെള്ളത്തില്‍ ലയിച്ചതുകാരണം ദുര്‍ഗന്ധമാണുയരുന്നത്. പുഴയില്‍ വെള്ളം കുറവായതിനാല്‍ വിഗ്രഹങ്ങള്‍ ഒഴുകിപ്പോകാതെ കെട്ടിക്കിടക്കുന്നതാണ് ദുരിതത്തിനു പ്രധാന

Spread the love
TECH

ലാപ്‌ടോപുമായി റിലയന്‍സ് ജിയോ

ടെലികോം രംഗത്ത് ഇന്ത്യന്‍ വിപണിയില്‍ വിപ്ലവം സൃഷ്ടിച്ച റിലയന്‍സ് ജിയോ ഇലക്ട്രോണിക്‌സ് രംഗത്തേക്കും കടക്കുന്നു. ഇന്ത്യയില്‍ കുറഞ്ഞ വിലയ്ക്ക് ലാപ്‌ടോപ് ലഭ്യമാക്കാനൊരുങ്ങുകയാണ് റിലയന്‍സ്. ഇതിനായി ചിപ്പ് നിര്‍മാതാക്കളായ ക്വാല്‍ക്കവുമായി ജിയോ ചര്‍ച്ച തുടങ്ങി. ഇതിനു പുറമെ സ്മാര്‍ട് ഫോണ്‍ വിപണിയിലും ആധിപത്യം

Spread the love
Business News

പൊതുമേഖലാ ബാങ്കുകളിലെ ഉദ്യോഗസ്ഥരുടെ പെന്‍ഷന്‍ പ്രായം 70 വയസാക്കാന്‍ ശുപാര്‍ശ

പൊതുമേഖലാ ബാങ്കുകളിലെ എക്‌സിക്യൂട്ടീവ് ഓഫിസര്‍മാരുടെ പെന്‍ഷന്‍ പ്രായം 70 വയസാക്കാന്‍ ശുപാര്‍ശ. നിലവിലെ പെന്‍ഷന്‍ പ്രായമായ 60 വയസ്സില്‍ നിന്ന് 70 ആക്കാന്‍ വേണ്ടി പാര്‍ലമെന്റിന്റെ ഫിനാന്‍സ് സ്റ്റാന്റിംഗ് കമ്മറ്റി ശുപാര്‍ശ ചെയ്തത്. പൊതുമേഖലാ ബാങ്കുകളില്‍ വിദഗ്ധരുടെ സേവനം കൂടുതല്‍ കാലം

Spread the love

0 Comments

No Comments Yet!

You can be first to comment this post!

Leave a Reply