ദോശ സിംപിളാക്കാം; ലോണ്‍മാര്‍ക്ക് ദോശ ഓട്ടോമാറ്റിക് മെഷീനിലൂടെ

ദോശ സിംപിളാക്കാം; ലോണ്‍മാര്‍ക്ക് ദോശ ഓട്ടോമാറ്റിക് മെഷീനിലൂടെ

ലയാളികളുടെ പ്രിയപ്പെട്ട ഭക്ഷണങ്ങളില്‍ ഒന്നാം സ്ഥാനത്ത് നില്‍ക്കുന്ന വിഭവമാണ് ദോശ. ലോകത്തെവിടെയും ഇന്ത്യന്‍ വിഭവങ്ങളില്‍ ദോശയ്ക്ക് സ്വീകാര്യത ലഭിക്കുന്നുമുണ്ട്. പുതിയ പരീക്ഷണങ്ങളിലൂടെ പല തരത്തിലുള്ള ദോശകള്‍ പ്രചാരത്തിലായി. ദോശ വെറൈറ്റി വിഭവങ്ങള്‍ മാത്രം ലഭിക്കുന്ന കടകള്‍ക്കും പ്രചാരമായി. പക്ഷെ, ദോശ ഉണ്ടായി വരുന്ന പ്രക്രിയകളെല്ലാം പഴയതു തന്നെയായിരുന്നു. മാവ് തയ്യാറാക്കുന്നതു മുതല്‍ ഓരോ ദോശയും ചുട്ടടുക്കുന്നതുവരെയുള്ള കാര്യങ്ങള്‍ നോക്കാന്‍ പലപ്പോഴും ഒരാള്‍ പോരാതെ വരും. ഇതിനിടയില്‍ സമയം ലാഭിക്കാന്‍ വേറെ ഏതെങ്കിലും ജോലി ചെയ്യാമെന്നു കരുതിയാല്‍ പണിപാളും. ദോശ എന്താണ് സിംപിളാകാത്തത് എന്നു ചിന്തിച്ചിട്ടുണ്ടോ? ദോശയുടെ പണികളെല്ലാം ഒരു മെഷീന്‍ ഏറ്റെടുത്താലോ?

 

അങ്ങനെയെങ്കില്‍ ഇതാ ദോശയ്ക്കുവേണ്ടി മാത്രമായി ഒരു മെഷീന്‍ വിപണിയിലെത്തിയിരിക്കുന്നു. ലോണ്‍മാര്‍ക്ക് ഇന്ത്യാ പ്രൈവറ്റ് ലിമിറ്റഡ് എന്ന കമ്പനിയാണ് ദോശയ്ക്കുവേണ്ടി ഓട്ടോമാറ്റിക്ക് മെഷീന്‍ വിപണിയിലെത്തിച്ചിരിക്കുന്നത്.

 

വഴികള്‍ തുറന്ന തുടക്കം

ലോണ്‍മാര്‍ക്ക് ഇന്ത്യാ പ്രൈവറ്റ് ലിമിറ്റഡിന്റെ ഡയറക്ടേഴ്സായ ജോബിയും അദ്ദേഹത്തിന്റെ ഭാര്യ സഫ്‌ന ജോബിയും ചേര്‍ന്നാണ് ഈ പുതിയ സംരംഭത്തിന് തുടക്കം കുറിച്ചിരിക്കുന്നത്. ഒന്‍പത് വര്‍ഷത്തോളം ഹോട്ടല്‍ ഇന്‍ഡസ്ട്രിയില്‍ എക്സിക്യുട്ടീവ് ഷെഫ് ആയിരുന്നു ജോബി. അതിനു ശേഷമാണ് ലോണ്‍ട്രി ഡ്രൈ ക്ലീനിംഗ് മെഷീന്‍ മാനുഫാക്ചറിംഗ് ചെയ്യുന്ന ലോണ്‍മാര്‍ക്ക് ഇന്ത്യാ പ്രൈവറ്റ് ലിമിറ്റഡ് എന്ന കമ്പനി തുടങ്ങുന്നത്. ഹോട്ടല്‍ ഇന്‍ഡസ്ട്രിയിലെ ജോലിയിലുണ്ടായിരുന്ന പരിചയം ഈ മേഖലയിലെ തൊഴിലാളികള്‍ നേരിടുന്ന പ്രശ്നങ്ങള്‍ അറിയാന്‍ സഹായിച്ചു. ഇന്ന് ഏറ്റവും കൂടുതല്‍ പ്രയാസം നേരിടുന്നത് ഹോട്ടല്‍ തൊഴിലാളികളെ അന്വേഷിക്കുമ്പോഴാണ്. ഒരു പാചകക്കാരന്റെ സഹായമില്ലാതെ എങ്ങനെ ദോശയുണ്ടാക്കാം എന്ന ആലോചനയാണ് ദോശ ഓട്ടോമാറ്റിക്ക് മെഷീനിലെത്തിച്ചതെന്ന് ജോബി പറയുന്നു. ദോശയുണ്ടാക്കാനായി ഒരാള്‍ ചെയ്യുന്ന എല്ലാ കാര്യങ്ങളും ചെയ്യുന്ന മെഷീന്‍ നിര്‍മ്മിക്കുകയെന്നത് ആദ്യഘട്ടത്തില്‍ ഒരു വെല്ലുവിളിയായിരുന്നു.

 

വെല്ലുവിളികളെ തകര്‍ത്ത പ്രയാണം

മെഷീനിന്റെ നിര്‍മ്മാണ ഘട്ടത്തില്‍ മെറ്റീരിയല്‍സിന്റെ അഭാവവും, പല തവണ ചെയ്തിട്ടും ശരിയാകാത്ത അവസ്ഥയുമുണ്ടായി. കണ്ടുംപിടുത്തങ്ങള്‍ക്കായി ഒരുപാട് സമയവും പണവും വിനിയോഗിക്കേണ്ടതായും വന്നു. എന്നിട്ടും ശ്രമം തുടര്‍ന്നുകൊണ്ടിരുന്നത് വിപണിയില്‍ പുതുമയുള്ളതും ആളുകള്‍ക്ക് ഉപകാരപ്പെടുന്നതുമായ ഉപകരണം അവതരിപ്പിക്കാന്‍ വേണ്ടിയാണ്. അങ്ങനെയാണ് വളരെ ലളിതമായ രീതിയില്‍ ആര്‍ക്കും നിയന്ത്രക്കാന്‍ കഴിയുന്ന രീതിയിലുള്ള ദോശ ഓട്ടോമാറ്റിക്ക് മെഷീന്‍ വികസിപ്പിച്ചെടുക്കുന്നത്.

 

മെഷീനിന്റെ പ്രവര്‍ത്തനം

മൂന്നു വിത്യസ്ത ജാറുകളിലായി വെള്ളം, ഓയില്‍, മാവ് എന്നിവയിട്ട് എത്ര ദോശ വേണമെന്നുള്ള എണ്ണം കൊടുത്താല്‍ മാത്രം മതി. ഒരു മിനുറ്റില്‍ ഒരു ദോശ റെഡിയാകും. വിത്യസ്ത ടേസ്റ്റിലുള്ളവ ലഭിക്കാന്‍ ഏത് തരം ദോശയാണോ വേണ്ടത് അതിന്റെ മിക്‌സ് റെഡിയാക്കിയാല്‍ മതി. ഇത്ര സിംപിളായി കാര്യങ്ങള്‍ ചെയ്യുന്ന മെഷീന്‍ അതിലും സിംപിളായി എല്ലാവര്‍ക്കും വാങ്ങാന്‍ കഴിയുന്ന വിലയിലാണ് വിപണിയിലെത്തിച്ചിട്ടുള്ളത്. കേരളത്തില്‍ മാത്രമല്ല ലോക വിപണിയാണ് ലോണ്‍മാര്‍ക്ക് ലക്ഷ്യമിടുന്നത്.

 

ലോണ്‍ട്രി ഡ്രൈ ക്ലീനിംഗ് മെഷീന്‍ മാനുഫാക്ചറിംഗിന്റെ വിജയമാണ് കണ്ടുപിടുത്തങ്ങളുടെ പുതിയ പാതയിലേക്ക് ജോബിയെ നയിക്കുന്നത്. ഇന്ത്യയില്‍ തന്നെ അറിയപ്പെടുന്ന കമ്പനിയായി ലോണ്‍മാര്‍ക്ക് മാറിയതും അങ്ങനെയാണ്. ഇന്ത്യയെക്കൂടാതെ ആറ് രാജ്യങ്ങളിലേക്ക് കയറ്റുമതിയും, നേപ്പാള്‍, ചൈന, ഖത്തര്‍ തുടങ്ങി ആറോളം രാജ്യങ്ങളില്‍ നെറ്റ്വര്‍ക്കുമുണ്ട്. ഇന്ത്യയില്‍ 3 ഫാക്ടറികളും 4 ബ്രാഞ്ചുകളുമുണ്ട്. ലോണ്‍മാര്‍ക്കിന്റെ കോര്‍പ്പറേറ്റ് ഓഫീസ് ആലപ്പുഴ ജില്ലയിലെ ചേര്‍ത്തലയിലാണ്. ഇനിയും പുതിയ പ്രോഡക്ടുകള്‍ വിപണിയിലേക്ക് കൊണ്ടുവരാനുള്ള റിസേര്‍ച്ചിലാണ് ലോണ്‍മാര്‍ക്ക്.

ഫോണ്‍ – +91 9895998611

Spread the love
Previous കടലമ്മയുടെ സ്വന്തം രേഖ : ആഴക്കടലിലെ പെൺകരുത്ത്‌
Next ആഞ്ഞുകിളയ്ക്കുന്നു ജീവിതത്തിന്റെ മണ്ണില്‍ : മണ്ണിലേക്ക് വഴിവെട്ടുന്ന ബേബി

You might also like

Business News

മുരുകന്റെ മരണത്തില്‍ മാപ്പ് ചോദിച്ച് മുഖ്യമന്ത്രിയുടെ പോസ്റ്റ്

തിരുവനന്തപുരം : അപകടത്തെ തുടര്‍ന്ന് വിവിധ ആശുപത്രികളിലെത്തിച്ചെങ്കിലും അവിടെയൊന്നും മതിയായ ചികിത്സ ലഭിക്കാതെ മരണത്തിന് കീഴടങ്ങിയ തമിഴ്നാട് സ്വദേശി മുരുകന്റെ കുടുംബത്തോട് മാപ്പ് ചോദിച്ച് മുഖ്യമന്ത്രി പിണറായി വിജയന്റെ ഫെയ്സ്ബുക്ക് പോസ്റ്റ്. മുരുകന്റെ കുടുംബത്തിന്റെ ദുഃഖത്തില്‍ പങ്കു ചേരുന്നുവെന്നും യഥാസമയത്ത് കൃത്യമായ

Spread the love
SPECIAL STORY

മെഴുകുതിരി നിര്‍മിച്ച് ജീവിതത്തിന് വെളിച്ചം പകരാം

ഹോള്‍സെയിലായും റീട്ടെയ്‌ലായും ചെയ്ത് ലാഭം സ്വന്തമാക്കാവുന്ന വ്യവസായമാണ് മെഴുകുതിരി നിര്‍മാണം. വീട്ടിലോ വാകയ്‌ക്കോ കടയെടുത്ത് സ്ത്രീങ്ങള്‍ മെഴുകുതിരി കൂടുതലായും മതപരമായ ആവശ്യത്തിനും അലങ്കാരത്തിനും മറ്റുമായാണ് ഉപയോഗിക്കുന്നത്. അതിനാല്‍ത്തന്നെ പരമ്പരാഗത നീണ്ട വെള്ളനിറത്തിലുള്ള മെഴുകുതിരിക്ക് പുറമെ, വിവിധ അലങ്കാര മെഴുകുതിരികള്‍ക്കും ഇന്ന് ആവശ്യക്കാരേറുന്നു.

Spread the love
NEWS

ലൈറ്റ് മെട്രോ പാളം തെറ്റുന്നു; മനം മടുത്ത് മെട്രോമാന്‍

തിരുവനന്തപുരത്തും കോഴിക്കോടും ഏറെ കൊട്ടിഘോഷിച്ച് നടപ്പാക്കുമെന്നു പറഞ്ഞ ലൈറ്റ് മെട്രോ പദ്ധതിയില്‍ നിന്ന് ഡിഎംആര്‍സി പിന്‍വാങ്ങുന്നു. ഇതു സംബന്ധിച്ച് ഡിഎംആര്‍സി മുഖ്യ ഉപദേഷ്ടാവ് ഇ. ശ്രീധരന്‍ സര്‍ക്കാരിന് കത്തുനല്‍കി. സര്‍ക്കാരിന് പദ്ധതി നടപ്പിലാക്കാനുള്ള താത്പര്യക്കുറവാണ് പിന്‍മാറ്റത്തിനു പിന്നിലെന്നാണ് ഇ. ശ്രീധരനോട് അടുത്ത

Spread the love

0 Comments

No Comments Yet!

You can be first to comment this post!

Leave a Reply