മലയാളിയുടെ മനസില്‍ വിരിഞ്ഞ പൂവ് : പിറന്നാള്‍നിറവില്‍ ലാലേട്ടന്‍

മലയാളിയുടെ മനസില്‍ വിരിഞ്ഞ പൂവ് : പിറന്നാള്‍നിറവില്‍ ലാലേട്ടന്‍

മലയാളിയുടെ അഭ്രകാമനകള്‍ക്ക് ആള്‍രൂപം നല്‍കിയ അഭിനേതാവ്. മുടവന്‍മുഗളിന്റെ വളഞ്ഞുപളഞ്ഞ വഴികളില്‍ നിന്നും മലയാള സിനിമയുടെ സിംഹാസനത്തിലേക്കും, മലയാളിയുടെ മനസിലേക്കും ചേക്കേറിയ നടന്‍.  അഭ്രപാളിയുടെ ആവേശക്കാഴ്ച്ചകളുടെ അവസാനവാക്കായിരുന്നു മോഹന്‍ലാല്‍. ഇപ്പോള്‍ അമ്പത്തൊമ്പതാം പിറന്നാളിന്റെ നിറവില്‍ എത്തിനില്‍ക്കുമ്പോഴും, ആരാധകരുടെ മനസില്‍ നിത്യഹരിതനായകനായി ഇദ്ദേഹം ശേഷിക്കുന്നു. മലയാള സിനിമയുടെ മഞ്ഞില്‍ വിരിഞ്ഞ പൂവ് എത്ര പെട്ടെന്നാണു മലയാളിയുടെ മനസില്‍ വിരിഞ്ഞ പൂവായി മാറിയത്.

 

പതിവു പ്രൊഫൈല്‍ ചട്ടക്കൂടുകളുടെ ചതുരങ്ങളിലൊതുങ്ങാതെ മോഹന്‍ലാല്‍ എന്നും മലയാളിക്കു പ്രിയപ്പെട്ടവനായിരുന്നു. ലാലേട്ടന്‍ എന്ന വിശേഷണത്തില്‍ നിന്നു തന്നെ വ്യക്തം. ദന്തഗോപുരത്തില്‍ നിറഞ്ഞു നിന്ന നടനായിരുന്നില്ല അദ്ദേഹം. അദ്ദേഹം ജീവന്‍ പകര്‍ന്ന അനേകം കഥാപാത്രങ്ങള്‍ പോലെ തന്നെ ഈ ലാല്‍ വിസ്മയം മലയാളിയുടെ നിത്യജീവിതത്തിന്റെ ഭാഗമായി.

 

വിജയത്തിന്റെ അളവുകോലില്‍ കോടിക്കിലുക്കങ്ങള്‍ മുഴങ്ങുന്നതിനു മുമ്പു തന്നെ മലയാള സിനിമയുടെ ബോക്‌സോഫീസ് താരമായിരുന്നു ലാലേട്ടന്‍. മോഹന്‍ലാല്‍ എന്ന ബോക്‌സോഫീസ് ഫോര്‍മുലയെ വിജയകരമായി ഉപയോഗിച്ച എത്രയോ സംവിധായകന്‍, എത്രയോ തിരക്കഥാകൃത്തുക്കള്‍. തമ്പി കണ്ണന്താനവും രഞ്ജിത്തുമൊക്കെ ഈ ബോക്‌സോഫീസ് ഫോര്‍മുലയെ വിദഗ്ധമായി ഉപയോഗിച്ചു. ഏറ്റവുമൊടുവില്‍ പൃഥ്വിരാജ് വരെ. സ്ഥിരം വിജയത്തിന്റെ ആവേശവഴികളില്‍ നിന്നിറങ്ങി വന്നപ്പോഴും ലാലേട്ടന്‍ വിസ്മയം സൃഷ്ടിച്ചു. ഭരതവും വാനപ്രസ്ഥവും രസതന്ത്രവുമൊക്കെ ആ അഭിനയവിസ്മയത്തിന്റെ വിരുന്നു തന്നെയായിരുന്നു.

 

അറുപതാം വയസിലേക്ക് അടുക്കുന്നു. ഇപ്പോള്‍ ബാറോസ് എന്നൊരു സിനിമയിലൂടെ സംവിധായകനാകാനും ലാലേട്ടന്‍ ഒരുങ്ങുകയാണ്. മലയാളിക്കു മോഹന്‍ലാലൊരു തുടര്‍ച്ചയാണ്‌.  അക്കക്കണക്കില്‍ രേഖപ്പെടുത്തുന്ന പ്രായത്തിന്റെ അളവുകോലിലൊന്നും ഒരുകാലത്തും തളച്ചിടാന്‍ കഴിയാത്ത സാന്നിധ്യം. അതുകൊണ്ടു തന്നെ നടനായും സംവിധായകനായും വിജയകരമായ ഒരു തുടര്‍ച്ചയുടെ കാലം തന്നെയാണ് മലയാളി കാത്തിരിക്കുന്നത്.

 

Spread the love
Previous വോട്ടെണ്ണല്‍ : ഒരുക്കങ്ങള്‍ പൂര്‍ത്തിയായി : വോട്ടെണ്ണല്‍ സംബന്ധിച്ച പ്രധാനപ്പെട്ട വിവരങ്ങളിതാ
Next ക്യാന്‍ഡി നിര്‍മാണം രുചിയേറും സംരംഭം

You might also like

MOVIES

മോഹന്‍ലാല്‍- അരുണ്‍ ഗോപി ചിത്രം ഉടന്‍

രാമലീലയുടെ സംവിധായകന്‍ അരുണ്‍ ഗോപിയുടെ അടുത്ത ചിത്രം മോഹന്‍ലാലിനെ നായകനാക്കിയെന്ന് റിപ്പോര്‍ട്ട്. ഈ സൂപ്പര്‍ സ്റ്റാര്‍ ചിത്രത്തിന്റെ നിര്‍മ്മാണം ടോമിച്ചന്‍ മുളകുപാടമായിരിക്കുമെന്നും സൂചനയുണ്ട്. പുലിമുരുകന്റെ തിരക്കഥാകൃത്ത് ഉദയകൃഷ്ണയായിരിക്കും ഈ ചിത്രത്തിനും തിരക്കഥയെഴുതുക. Spread the love

Spread the love
Movie News

ജീം ബൂം ബ : അസ്‌കര്‍ അലിയുടെ പുതിയ ചിത്രം : ടീസര്‍ കാണാം

അസ്‌കര്‍ അലി നായകനാകുന്ന ജീം ബൂം ബായുടെ ടീസര്‍ റിലീസ് ചെയ്തു. നവാഗതനായ രാഹുല്‍ രാമചന്ദ്രനാണു ചിത്രത്തിന്റെ സംവിധാനം. മിസ്റ്റിക് ഫ്രെയിംസിന്റെ ബാനറിലാണു ചിത്രം നിര്‍മിച്ചിരിക്കുന്നത്. ഹണി ബീ 2, കാമുകി എന്നീ ചിത്രങ്ങള്‍ക്കു ശേഷം അസ്‌കര്‍ അലി നായകനാകുന്ന ചിത്രമാണിത്.

Spread the love
MOVIES

കുട്ടനാടന്‍ ബ്ലോഗ് ആഗസ്റ്റ് 24 ന്

മമ്മൂട്ടി ചിത്രം കുട്ടനാടന്‍ ബ്ലോഗ് ആഗസ്റ്റ് 24 ന് തീയറ്ററുകളില്‍ എത്തും. ചിത്രത്തിന്റെ അവസാനഘട്ട ചിത്രീകരണം മാത്രമാണ് ഇനി ബാക്കിയുള്ളത്. ഏറെ നാളുകള്‍ക്ക് ശേഷം തന്റെ നാട്ടില്‍ തിരിച്ചെത്തുന്ന ഒരുബ്ലോഗറുടെ കഥാപാത്രത്തെയാണ് മമ്മൂട്ടി അവതരിപ്പിക്കുന്നത്. റായ് ലക്ഷമിയും, അനുസിത്താരയുമാണ് നായികമാര്‍. പോലീസ്

Spread the love

0 Comments

No Comments Yet!

You can be first to comment this post!

Leave a Reply