ഇനി ലൈസന്‍സിന് എച്ചും എട്ടും പോരാ; വരുന്നു മോട്ടോര്‍ വാഹനവകുപ്പിന്റെ പുത്തന്‍ പരിഷ്‌കാരങ്ങള്‍

ഇനി ലൈസന്‍സിന് എച്ചും എട്ടും പോരാ; വരുന്നു മോട്ടോര്‍ വാഹനവകുപ്പിന്റെ പുത്തന്‍ പരിഷ്‌കാരങ്ങള്‍

ഡ്രൈവിംഗ് ലൈസന്‍സ് ടെസ്റ്റിന് പുത്തന്‍ പരിഷ്‌കാരങ്ങള്‍ നടപ്പിലാക്കാനൊരുങ്ങി മോട്ടോര്‍ വാഹനവകുപ്പ്. നാലു ചക്രവാഹനങ്ങള്‍ക്ക് എച്ചും ബൈക്കുകള്‍ക്കും ഓട്ടോറിക്ഷകള്‍ക്കും എട്ടും രീതിയാണ് സാധാരണയായി ഉപയോഗിക്കുന്നത്. എന്നാല്‍ ഇനി ഇതു മാത്രം പോരാ. ധാരണയും നിരീക്ഷണ പാടവവും ഉള്‍പ്പെടെയുള്ളവ വിലയിരുത്തി മാത്രം ലൈസന്‍സ് നല്‍കുന്ന പുതിയ രീതിയിലേക്കു മാറാനാണ് മോട്ടര്‍ വാഹനവകുപ്പിന്റെ നീക്കം.

ഡ്രൈവറുടെ നിരീക്ഷണപാടവം പരിശോധിക്കാനായി കമന്ററി ഡ്രൈവിങ്ങ് ടെസ്റ്റ് രീതിയാണ് കൊണ്ടുവരുന്നത്. മുന്നില്‍ കാണുന്നതെല്ലാം പറഞ്ഞു കൊണ്ട് വാഹനം ഓടിക്കുന്ന രീതിയാണിത്. കണ്ണുകളുടെയും നിരീക്ഷണത്തിന്റെയും ക്ഷമത പരിശോധിക്കുകയാണ് ലക്ഷ്യം. ഈ പരീക്ഷയ്ക്കിടെ മുന്നോട്ട് ഓടിക്കുമ്പോള്‍ വരുത്തുന്ന തെറ്റും ശരിയും വിലയിരുത്താന്‍ അധികൃതര്‍ക്ക് സാധിക്കും. നിശ്ചിത എണ്ണത്തില്‍ കൂടുതല്‍ തെറ്റുകള്‍ വരുത്തുന്നവരെ പരാജയപ്പെടുത്തും. കണ്ണാടി നോക്കി വാഹനം ഓടിക്കാനുള്ള കഴിവും അളക്കാന്‍ നീക്കമുണ്ട്. വാഹനം നിര്‍ത്തുന്നതിനായി ക്ലച്ച് ചവിട്ടിയ ശേഷം ബ്രേക്ക് ചെയ്യുന്ന രീതി മാറ്റും. പകരം പ്രോഗ്രസീവ് ബ്രേക്കിങ് സംവിധാനത്തിനു പ്രാധാന്യം നല്‍കും. വാഹനം നിര്‍ത്തുന്നതിനു മുമ്പ് ആദ്യം ക്രമാനുഗതമായി ബ്രേക്കും തുടര്‍ന്നു ക്ലച്ചും അമര്‍ത്തുന്ന രീതിയാണിത്. ഇതാണ് വാഹനത്തിന്റെ ആയുസ്സിനും കാര്യക്ഷമതയ്ക്കും നല്ലതെന്നതാണു വിലയിരുത്തലിനെ തുടര്‍ന്നാണ് ഈ രീതി പ്രോത്സാഹിപ്പിക്കുന്നതെന്നാണ് റിപ്പോര്‍ട്ടുകള്‍.

പുത്തന്‍ പരിഷ്‌കാരങ്ങള്‍ നടപ്പിലാക്കുന്നതിന് മുന്നോടിയായി സംസ്ഥാനത്തെ 3500ഓളം ഡ്രൈവിങ് സ്‌കൂളുകളിലെ അധ്യാപകര്‍ക്കും എം വിഐമാര്‍ക്കും 5 ദിവസം വീതം നീളുന്ന ശാസ്ത്രീയ പരിശീലനം നല്‍കാനാണ് തീരുമാനം. കോഴ്‌സ് കഴിഞ്ഞവര്‍ക്ക് കടും നീല ഓവര്‍കോട്ടും ബാഡ്ജും നല്‍കും. പിന്നീട് ഡ്രൈവിങ് പരിശീലിപ്പിക്കുമ്പോള്‍ ഈ ഓവര്‍ക്കോട്ടും ബാഡ്ജും ധരിക്കണം. 6000 രൂപയാണ് പരിശീലനത്തിനുള്ള ഫീസ്. ഇതില്‍ 3000 രൂപ റോഡ് സുരക്ഷാ നിധിയില്‍ നിന്നു നല്‍കാനാണ് തീരുമാനമെന്നാണ് റിപ്പോര്‍ട്ടുകള്‍.

Spread the love
Previous ബിഎസ്എന്‍എല്‍ ഉപഭോക്തൃ സേവന കേന്ദ്രങ്ങളില്‍ നിന്നും ആധാര്‍ : സംവിധാനമൊരുങ്ങുന്നു
Next കേരളത്തിനായി കാവിന്‍ കെയറിന്റെ മീര ചെമ്പരത്തി താളി :  അജു വര്‍ഗീസ് പുതിയ ഉല്‍പ്പന്നം അവതരിപ്പിച്ചു

You might also like

Bike

വിലയില്‍ കുതിച്ച് ഡൊമിനര്‍ 400

രണ്ടുമാസത്തിനിടെ വീണ്ടും ബജാജ് ഓട്ടോ ലിമിറ്റഡിന്റെ ഡൊമിനര്‍ 400 വില വര്‍ധിപ്പിച്ചു. രണ്ടാംതവണയാണ് ഈ വില വര്‍ധന. 2,000 രൂപയാണ് വര്‍ധിപ്പിച്ചത്. ഇതോടെ ബൈക്കിന്റെ വില 1,46,111 രൂപയായി മാറി. കഴിഞ്ഞ മാസവും വിലയില്‍ 2000 രൂപയുടെ വര്‍ധനവ് ഉണ്ടായിരുന്നു. ആന്റിലോക്ക്

Spread the love
Car

വെയിലത്തു കിടന്ന കാറിലെ എസി ഉപയോഗിക്കാറുണ്ടോ? എങ്കില്‍ സൂക്ഷിക്കുക

പരിസ്തിതിയിലുണ്ടാകുന്ന മാറ്റങ്ങള്‍ക്കനുസരിച്ച് നമ്മുടെ നാട്ടിലെ കാലാവസ്ഥയും മാറ്റങ്ങളിലൂടെ നീങ്ങുകയാണ്. ചൂട് അടിയ്ക്കടി വര്‍ദ്ധിക്കുന്നു. എയര്‍ കണ്ടീഷനിംഗ് സംവിധാനങ്ങള്‍ ഇതിനെല്ലാം ഒരു പരിധിയിലേറെ ആശ്വാസം നല്‍കുന്നുണ്ട്. പ്രത്യേകിച്ച് വാഹനങ്ങളില്‍. ദീര്‍ഘദൂരയാത്രകളിലും മറ്റും എസി ഇല്ലാത്ത യാത്ര സങ്കല്‍പ്പിക്കാന്‍ സാധിക്കില്ല. എന്നാല്‍ ഈ എസി

Spread the love
NEWS

കേരളാ പൊലീസിന് പുതിയ രണ്ട് ബുള്ളറ്റ് പ്രൂഫ് വാഹനങ്ങള്‍; ചെലവ് 1.10 കോടി രൂപ

ഇസെഡ് പ്ലസ് സുരക്ഷ ആവശ്യമുള്ള അതിഥികള്‍ക്കായി കേരളാ പൊലീസ് പുതിയ രണ്ട് ബുള്ളറ്റ് പ്രൂഫ് വാഹനങ്ങള്‍ കൂടി വാങ്ങുന്നു. 1.10 കോടി രൂപ ചെലവില്‍ മിത്സുബിഷിയുടെ എസ് യുവിയായ പജേറോ സ്‌പോര്‍ട് വാങ്ങാനാണ് അനുമതി നല്‍കിയിട്ടുള്ളത്. നിലവില്‍ ഇത്തരത്തില്‍ മൂന്ന് വാഹനങ്ങള്‍

Spread the love

0 Comments

No Comments Yet!

You can be first to comment this post!

Leave a Reply