നോ ലോണ്‍, നോ സ്‌റ്റോക്ക്; അറിയാം ഈ സംരംഭകനയം

നോ ലോണ്‍, നോ സ്‌റ്റോക്ക്; അറിയാം ഈ സംരംഭകനയം

 ഒരു വസന്തകാലം തുടങ്ങുന്നതൊരു ചെറിയ പൂവ് വിരിഞ്ഞുകൊണ്ടാണ്. ചെറിയ പൂവില്‍ നിന്നും പൂക്കാലത്തിലേക്കുള്ള ദൂരത്തിനു തുല്യമാണ് ഒരോ സംരംഭകസഞ്ചാരവും. സമാനമാണ് പി വി ഉക്രു ഗ്രൂപ്പ് ഓഫ് കമ്പനീസിന്റെ വളര്‍ച്ചയും. ചെറിയൊരു പുഷ്പത്തിന്റെ സൗരഭ്യം പോലെ വിരിയുകയും, ഇന്നു കേരളത്തിലും തമിഴ്‌നാട്ടിലുമായി വേരുകള്‍ പടര്‍ത്തി നിറഞ്ഞു നില്‍ക്കുകയുമാണ് ഈ കമ്പനി. സ്റ്റീല്‍, സിമന്റ് വിതരണരംഗത്തേയും ഇറക്കുമതി കയറ്റുമതി രംഗത്തേയും വലിയ പേരുകളിലൊന്നാണു പി. വി. ഉക്രു ഗ്രൂപ്പ്. കോയമ്പത്തൂരിലൊരു ചെറിയ കടയില്‍ നിന്നും തുടങ്ങി, ഇന്നു നോ ലോണ്‍, നോ സ്‌റ്റോക്ക് എന്ന വ്യത്യസ്തവും സുരക്ഷിതവുമായ നയത്തിലൂടെയാണു കമ്പനിയുടെ മുന്നേറ്റം. കേരളത്തിലും തമിഴ്‌നാട്ടിലും മറ്റു സംസ്ഥാനങ്ങളിലുമായി സ്റ്റീല്‍ വിതരണരംഗത്തു നിറഞ്ഞു നില്‍ക്കുന്ന പി വി ഉക്രു ഗ്രൂപ്പിന്റെ സാരഥി പി. ജോസ് ഉക്രുവാണ്. കാലത്തിന്റേയും സാങ്കേതികവിദ്യയുടേയും മാറ്റങ്ങള്‍ തിരിച്ചറിഞ്ഞുകൊണ്ടു ജോസിന്റെ സാരഥ്യത്തില്‍ ഈ സംരംഭകയാത്ര തുടരുന്നു. സംരംഭകര്‍ തിരിച്ചറിഞ്ഞു പിന്തുടരണം ഈ വ്യത്യസ്ത സഞ്ചാരത്തിന്റെ കാലടിപ്പാടുകള്‍.

ഒരു സിനിമാക്കഥ പോലെ

ചെറിയൊരു തുടക്കമാണു പി വി ഉക്രു ഗ്രൂപ്പ് ഓഫ് കമ്പനീസ് എന്ന സംരംഭത്തിലേക്കുള്ള വാതില്‍ തുറന്നത്. ഒരു സിനിമാക്കഥയെ വെല്ലുന്ന തരത്തിലുള്ള വളര്‍ച്ചയും. 1940കളിലാണു ജോസിന്റെ പിതാവ് പി വി ഉക്രു കോയമ്പത്തൂരില്‍ എത്തുന്നത്. ബ്ലാക്ക്‌സമിത്തിങ് ഷോപ്പില്‍ ( ആല) കൈകൊണ്ട് ആണി നിര്‍മ്മിക്കുന്ന യൂണിറ്റില്‍ കാലണ ശമ്പളത്തില്‍ ജോലിക്കു കയറി. അവിടെ നിന്നും തൊഴില്‍ പഠിച്ചു. പിന്നീടു സ്വന്തമായൊരു യൂണിറ്റ് ആരംഭിച്ചു. കുറച്ചുകാലത്തിനു ശേഷം നവാബ് ഹക്കീം റോഡില്‍ പി. വി ഉക്രു പെയ്ന്റ്‌സ് ആന്‍ഡ് ഹാര്‍ഡ് വെയര്‍ ഷോപ്പിനു തുടക്കം കുറിച്ചു. ടാറ്റ സ്റ്റീല്‍, സ്റ്റീല്‍ അതോറിറ്റി എന്നിവയുടെ ഉല്‍പ്പന്നങ്ങള്‍ വില്‍ക്കാന്‍ തുടങ്ങി. 1964ല്‍ ഒരു ഫ്രഞ്ച് കപ്പല്‍ സ്വന്തമായി വാങ്ങുന്നതരത്തില്‍ വളര്‍ച്ച പ്രാപിച്ചു. സ്‌ക്രാപ്പ് ബിസിനസ് ചെയ്യാനായിരുന്നു ഈ കപ്പല്‍. 1973ല്‍ പ്രസിഡന്റ് വി വി ഗിരിയില്‍ നിന്നും ഓള്‍ ഇന്ത്യ ബെസ്റ്റ് ഷിപ്പ് മോഡലിങ് കേഡറ്റ് അവാര്‍ഡ് തമിഴ്‌നാട് പോണ്ടിച്ചേരി നേവല്‍ എന്‍സിസിയെ പ്രതിനിധീകരിച്ച് ലഭിച്ചത് ജോസിനായിരുന്നു.

1974ല്‍ പതിനൊന്നാം ക്ലാസ് പഠനം പൂര്‍ത്തിയാക്കിയതിനു ശേഷമാണു പി. ജോസ് ഉക്രു ബിസിനസ് നോക്കിനടത്താന്‍ ആരംഭിക്കുന്നത്. 1977ല്‍ ഇരുപത്തൊന്നാം വയസില്‍ കേരള സ്റ്റീല്‍ ട്രേഡേഴ്‌സ് അസോസിയേഷനു രൂപം കൊടുക്കാന്‍ മേല്‍നോട്ടം വഹിച്ച അദ്ദേഹം, പിന്നീട് അസോസിയേഷന്റെ പ്രസിഡന്റായും സെക്രട്ടറിയായും സേവനം അനുഷ്ഠിച്ചു. കേരളത്തിലെ സ്റ്റീലിന്റെ ഹോള്‍സെയില്‍ ബിസിനസാണു അക്കാലത്തു കൈകാര്യം ചെയ്തിരുന്നത്. അന്നും ടാറ്റയാണ് സ്റ്റീല്‍ ബിസിനസിലെ അതികായര്‍. കേരളത്തില്‍ സ്റ്റീല്‍ ആവശ്യം വളരെ കുറവായിരുന്നു. തമിഴ്‌നാട്ടിലായിരുന്നു കച്ചവടം ഏറ്റവും കൂടുതല്‍. സ്റ്റീലിന്റെ ഡിമാന്‍ഡ് വളരെ കൂടുതലായതിനാല്‍ത്തന്നെ മാര്‍ക്കറ്റിങ് ഡിപ്പാര്‍ട്ട്‌മെന്റ് ഇല്ലാതെയായിരുന്നു കമ്പനിയുടെ പ്രവര്‍ത്തനം.

നിരവധി പ്രൊജക്റ്റുകള്‍

കേരളത്തിലും തമിഴ്‌നാട്ടിലുമാണ് ഇപ്പോള്‍ ബിസിനസ് കൂടുതല്‍ കേന്ദ്രീകരിച്ചിരിക്കുന്നത്. ഓണ്‍ലൈന്‍ വഴി മറ്റു സംസ്ഥാനങ്ങളിലും കച്ചവടം പുരോഗമിക്കുന്നു. ധാരാളം അന്വേഷണങ്ങള്‍ വരുന്നുണ്ടെങ്കിലും പ്രധാനമായും ശ്രദ്ധ കേന്ദ്രീകരിച്ചിരിക്കുന്നതു പ്രൊജക്റ്റുകളിലാണ്. സ്റ്റേറ്റ് ഹൈവേ പ്രൊജക്റ്റ് തമിഴ്‌നാട്, റെയില്‍വേ പ്രൊജക്റ്റ് തേനി, കോട്ടയം റെയില്‍വേ സ്‌റ്റേഷന്‍ എക്‌സ്പാന്‍ഷന്‍, കാര്‍ഡിയാക് ഹോസ്പിറ്റല്‍ അരൂര്‍, നാഷണല്‍ ഹൈവേ പ്രൊജക്റ്റ് മണ്ണൂത്തി, ചെങ്ങന്നൂര്‍ സിറ്റി സെന്റര്‍ മാള്‍, ഫാല്‍ക്കണ്‍ മാള്‍, കണ്ണൂര്‍ എയര്‍പോര്‍ട്ട് എക്‌സാപന്‍ഷന്‍ തുടങ്ങിയ പദ്ധതികള്‍ക്കെല്ലാം സ്റ്റീല്‍ വിതരണം ചെയ്യുന്നതു പി വി ഉക്രു ഗ്രൂപ്പ് കമ്പനിയാണ്.

ഒരു കാലത്തു സ്റ്റീല്‍ മാനുഫാക്ച്ചറിങ് രംഗത്തും പി വി ഉക്രു ഗ്രൂപ്പ് സാന്നിധ്യം അറിയിച്ചിരുന്നു. എന്നാല്‍ തൊഴില്‍ പ്രശ്‌നങ്ങടക്കമുള്ള കാര്യങ്ങള്‍ മൂലം പിന്തിരിഞ്ഞു. സാങ്കേതികവിദ്യ വളര്‍ന്നാലും വിശ്വസ്തരായ തൊഴിലാളികളെ കിട്ടിയില്ലെങ്കില്‍ മുന്നോട്ടു കൊണ്ടു പോകാന്‍ ബുദ്ധിമുട്ടാണെന്ന് ജോസ് പറയുന്നു.

 

സ്റ്റീല്‍, വ്യവസായങ്ങളുടെ നട്ടെല്ല്

വ്യവസായങ്ങളുടെ നട്ടെല്ലാണു സ്റ്റീല്‍ വ്യവസായമെന്നു പി. ജോസ് ഉക്രു സാക്ഷ്യപ്പെടുത്തുന്നു. സ്റ്റീല്‍ ഇല്ലാതെ ഒരു വ്യവസായവും മുന്നോട്ടു പോകില്ല. ഇന്ത്യയില്‍ ഇപ്പോള്‍ സ്റ്റീല്‍ വ്യവസായം മന്ദഗതിയിലാണ്. സ്റ്റീല്‍ ഉല്‍പ്പാദനത്തിനുള്ള മാര്‍ഗ്ഗങ്ങള്‍ ഉണ്ടെങ്കിലും അന്താരാഷ്ട്ര വിപണിയില്‍ മത്സരിക്കാന്‍ പാകത്തിനു വളര്‍ച്ച പ്രാപിച്ചിട്ടില്ലി. അന്താരാഷ്ട്ര വിപണിയിലേയും ഇന്ത്യയിലേയും വിലനിര്‍ണ്ണയവും തമ്മില്‍ കാര്യമായ അന്തരവും അനുഭവപ്പെടുന്നു. സാങ്കേതികവിദ്യ വികസിച്ചതോടെ ബിസിനസില്‍ കാര്യമായ വളര്‍ച്ചയുണ്ടായിട്ടുണ്ട്. ആശയവിനിമയം വളരെ വേഗത്തിലായി. ഒരു മൊബൈല്‍ ഫോണിലൂടെ മാത്രം ബിസിനസ് നിയന്ത്രിക്കാന്‍ കഴിയുന്ന അവസ്ഥയായി, ജോസ് പറയുന്നു. അതുകൊണ്ടു തന്നെ പുതിയ ബിസിനസുകളൊക്കെ നേരിട്ടു തന്നെ നിയന്ത്രിക്കാന്‍ ജോസിനു കഴിയുന്നു. പിന്നെ ഇത്രയും കാലത്തെ അനുഭവപരിചയത്തിന്റെ കരുത്തുമുണ്ട്. നോ സ്‌റ്റോക്ക്, നോ ബാങ്ക് ലോണ്‍. ഫാക്റ്ററിയില്‍ നിന്നും നേരിട്ടു പ്രൊജക്റ്റ് സൈറ്റിലേക്ക് എത്തിക്കുന്നതാണു കമ്പനിയുടെ നയം.

സാങ്കേതിക വിദ്യയുടെ വളര്‍ച്ച തിരിച്ചറിഞ്ഞിട്ടായിരിക്കണം പുതുസംരംഭകര്‍ ബിസിനസിലേക്ക് എത്താനെന്നു ജോസ് പറയുന്നു. ഓരോ മാറ്റങ്ങളും മനസിലാക്കണം. അതു ബിസിനസിന്റെ വളര്‍ച്ചയ്ക്കു ഗുണം ചെയ്യും. എല്ലാം വളരെ വേഗത്തിലാണ്. ഈ വേഗത തിരിച്ചറിഞ്ഞു തന്നെയാണ് അറുപത്തിമൂന്നുകാരനായ ജോസിന്റെ ഓരോ മുന്നേറ്റവും.

കുടുംബം

കുണ്ടറ സ്വദേശിനി രമാ ജോസാണു ഭാര്യ. മക്കള്‍ ജീന ജോസ്, ജിതിന്‍ ജോസ്. ഓസ്‌ട്രേലിയന്‍ ഇന്‍കം ടാക്‌സ് ഡിപ്പാര്‍ട്ട്‌മെന്റില്‍ ജോലി ചെയ്യുന്ന രണ്ടു പേരും മെല്‍ബണില്‍ സ്ഥിരതാമസമാണ്.

കൂടുതല്‍ വിവരങ്ങള്‍ക്ക് – 9388618627

Spread the love
Previous ആഗോള വിദ്യാര്‍ത്ഥി സൗരോര്‍ജ്ജ അസംബ്ലി : സംസ്ഥാനത്ത് അറുപതിലേറെ വിദ്യാലയങ്ങള്‍ പങ്കാളികളായി
Next നിക്ഷേപക സംരംഭം: പതിനായിരം കോടിയുടെ വാഗ്ദാനം

You might also like

Special Story

ക്ലിക്ക് മൈ ഡേ; വെഡ്ഡിങ് ഫോട്ടോഗ്രഫിയിലെ വിശ്വസ്ത സംരംഭം

വിവാഹം സ്വര്‍ഗ്ഗത്തില്‍ നടക്കുന്നുവെന്നാണു വിശ്വാസം. ആ സ്വര്‍ഗീയ നിമിഷങ്ങള്‍ ക്യാമറയില്‍ പകര്‍ത്തുന്നവരാണു വെഡ്ഡിങ് ഫോട്ടൊഗ്രഫര്‍മാര്‍. ആവര്‍ത്തിച്ചുകൊണ്ടിരുന്ന പതിവ് കാഴ്ചകളില്‍ നിന്നും പശ്ചാത്തലങ്ങളില്‍ നിന്നും വിവാഹഫോട്ടൊകളും വിഡിയോകളുമൊരുക്കുന്ന വെഡ്ഡിങ് ഫോട്ടൊഗ്രഫിയുടെ കാലം കഴിഞ്ഞു. ഇന്നു സിനിമയെപ്പോലും വെല്ലുന്ന തരത്തില്‍ വിവാഹമുഹൂര്‍ത്തങ്ങള്‍ പകര്‍ത്തപ്പെടുന്നു. സാങ്കേതികതയുടെ

Spread the love
SPECIAL STORY

മെഴുകുതിരി നിര്‍മിച്ച് ജീവിതത്തിന് വെളിച്ചം പകരാം

ഹോള്‍സെയിലായും റീട്ടെയ്‌ലായും ചെയ്ത് ലാഭം സ്വന്തമാക്കാവുന്ന വ്യവസായമാണ് മെഴുകുതിരി നിര്‍മാണം. വീട്ടിലോ വാകയ്‌ക്കോ കടയെടുത്ത് സ്ത്രീങ്ങള്‍ മെഴുകുതിരി കൂടുതലായും മതപരമായ ആവശ്യത്തിനും അലങ്കാരത്തിനും മറ്റുമായാണ് ഉപയോഗിക്കുന്നത്. അതിനാല്‍ത്തന്നെ പരമ്പരാഗത നീണ്ട വെള്ളനിറത്തിലുള്ള മെഴുകുതിരിക്ക് പുറമെ, വിവിധ അലങ്കാര മെഴുകുതിരികള്‍ക്കും ഇന്ന് ആവശ്യക്കാരേറുന്നു.

Spread the love
Success Story

ശുദ്ധജലം ഉറപ്പാക്കിയ സംരംഭം

ഉപഭോക്തൃ സംതൃപ്തിക്ക് പ്രാധാന്യം നല്‍കിയാണ് അക്വാഫ്രഷ് ക്യാപിറ്റയുടെ എല്ലാ പ്രവര്‍ത്തനവും. സാരഥി – നോബിമോന്‍ ജേക്കബ് സ്ഥാപനം – ഓസ്റ്റിന്റോസ് ഇന്ത്യ പ്രൈവറ്റ് ലിമിറ്റഡ് ബ്രാന്‍ഡ് – അക്വാഫ്രഷ് ക്യാപിറ്റ   ഗുണമേന്മയില്‍ ഒരു വിട്ടുവീഴ്ചയ്ക്കും തയ്യാറല്ലെന്നതാണ് അക്വാഫ്രഷിനെ വിപണിയിലെ താരമാക്കി

Spread the love

0 Comments

No Comments Yet!

You can be first to comment this post!

Leave a Reply