കങ്കണയെ കടത്തിവെട്ടാന്‍ ഈ നാല് നടിമാര്‍ക്കാകുമോ ?!

കങ്കണയെ കടത്തിവെട്ടാന്‍ ഈ നാല് നടിമാര്‍ക്കാകുമോ ?!

കങ്കണ റണൗത്തിന് 2014ലെ മികച്ച നടിക്കുള്ള ദേശീയ പുരസ്‌കാരം നേടിക്കൊടുത്ത ചിത്രമായിരുന്നു ക്വീന്‍. വികാസ് ബാഹല്‍ സംവിധാനം ചെയ്ത ക്വീന്‍ നിശ്ചയിച്ച് ഉറപ്പിച്ച വിവാഹം മുടങ്ങിപ്പോയതിനെ തുടര്‍ന്ന് പ്ലാന്‍ ചെയ്ത ഹണിമൂണ്‍ യാത്ര ഒറ്റക്ക് പോകുന്ന ഒരു യുവതിയുടെ കഥയാണ് പറഞ്ഞത്. കങ്കണയുടെ ഹൈവോള്‍ട്ടേജ് പ്രകടനം തന്നെയായിരുന്നു ചിത്രത്തിന്റെ ഹൈലൈറ്റ്. ഒരു നടി പ്രമുഖ കഥാപാത്രമായി എത്തിയ ചിത്രം നൂറ് കോടി ക്ലബ്ബിലേക്കെത്തിയെന്ന അപൂര്‍വതയും ക്വീന്‍ സ്വന്തമാക്കി. ആ ചിത്രം ഏകദേശം ഒരേ സമയം നാല് ഭാഷകളിലേക്ക് റീമേക്ക് ചെയ്ത് റിലീസിന് തയ്യാറെടുക്കുകയാണ്.

 

തെലുങ്ക്, തമിഴ്, മലയാളം, കന്നഡ എന്നീ ഭാഷകളിലേക്ക് റീമേക്ക് ചെയ്യുന്ന ചിത്രങ്ങളില്‍ യഥാക്രമം തമന്ന, കാജല്‍ അഗര്‍വാള്‍, മഞ്ജിമ മോഹന്‍, പാരുള്‍ യാദവ് എന്നിവരാണ് പ്രധാന കഥാപാത്രത്തെ അവതരിപ്പിക്കുന്നത്. മലയാളത്തില്‍ സംസം എന്ന പേരിലും തമിഴില്‍ പാരിസ് പാരിസ് എന്ന പേരിലും കന്നഡയില്‍ ബട്ടര്‍ഫ്‌ളൈ, തെലുങ്കില്‍ ദാറ്റ് ഈസ് മഹാലക്ഷ്മി എന്ന പേരിലുമാണ് ക്വീന്‍ റീമേക്കുകളെത്തുന്നത്. ഈ നാല് ചിത്രങ്ങളുടെയും ടീസറുകള്‍ പുറത്തു വന്നതില്‍ നിന്ന് ഇവരാരും തന്നെ കങ്കണയുടെ പെര്‍ഫോമന്‍സിന്റെ ഏഴയലത്തുപോലും വന്നിട്ടില്ലെന്ന് മനസിലാകും. ഇനി അറിയേണ്ടത് ഇവരില്‍ ആരാകും നന്നാകുക എന്നത് മാത്രമാണ്. ഈ നാല് ചിത്രങ്ങളുടെ നിര്‍മാതാവും ഒരാളാണെന്ന പ്രത്യേകതയും ഉണ്ട്. മനു കുമാരന്‍ ആണ് ആ നിര്‍മാതാവ്. മലയാളം ഒഴികെ മറ്റു മൂന്നു ചിത്രങ്ങളും സംവിധാനം ചെയ്യുന്നത് രമേഷ് അരവിന്ദാണ്. സംസം സംവിധാനം ചെയ്യുന്നത് നീലകണ്ടയാണ്. 2019 ഫെബ്രുവരിയില്‍ നാല് ചിത്രങ്ങളും തിയേറ്ററുകളിലെത്തും.

 

 

 

 

 

 

Spread the love
Previous ബാങ്കുകള്‍  വായ്പ അനുവദിക്കും; താമരകൃഷി ധൈര്യമായി തുടങ്ങാം
Next നൂറ് കോടി കവിഞ്ഞ് കൊച്ചി മെട്രോയുടെ വരുമാനം

You might also like

MOVIES

പൗരത്വ നിയമ ഭേദഗതിക്കെതിരായ വിദ്യാര്‍ഥി പ്രതിഷേധം; ‘വിദ്യാര്‍ഥികളില്‍ നിന്നും പഠിക്കൂ’ എന്ന് ആലിയ ഭട്ട്

പൗരത്വ നിയമ ഭേദഗതിക്കെതിരായ പ്രതിഷേധ സമരങ്ങളെ അടിച്ചൊതുക്കുന്ന കേന്ദ്ര സര്‍ക്കാര്‍ നിലപാടിനെതിരെ ആഞ്ഞടിച്ച് ബോളിവുഡ് നടി ആലിയ ഭട്ട്. ഇന്ത്യന്‍ ഭരണഘടനയുടെ ആമുഖം ഫോട്ടോ സ്റ്റാറ്റസാക്കിയും ‘വിദ്യാര്‍ഥികളില്‍ നിന്നും പഠിക്കൂ’ എന്നുമാണ് ആലിയ ഇന്‍സ്റ്റാഗ്രാമില്‍ പങ്കുവെച്ചത്. ജാമിഅ മില്ലിയ ഇസ്‌ലാമിയ വിദ്യാര്‍ഥികള്‍ക്ക്

Spread the love
MOVIES

മമ്മൂട്ടി ചിത്രം ‘ഉണ്ട’യുടെ ടീസര്‍ റിലീസ് ചെയ്തു : വീഡിയോ കാണാം

മമ്മൂട്ടിയുടെ ഏറ്റവും പുതിയ ചിത്രമായ ഉണ്ടയുടെ ടീസര്‍ റിലീസ് ചെയ്തു. ആക്ഷന്‍ കോമഡി ചിത്രത്തിന്റെ ടീസര്‍ പുറത്തിറക്കിയത് മമ്മൂട്ടിയുടേയും മോഹന്‍ലാലിന്റേയും ഫേസ്ബുക്ക് പേജിലൂടെയാണ്. അനുരാഗ കരിക്കിന്‍ വെള്ളത്തിനു ശേഷം ഖാലിദ് റഹ്മാന്‍ സംവിധാനം ചെയ്യുന്ന സിനിമയാണ് ഉണ്ട.ചിത്രം ഈദ് റിലീസാണ്. മമ്മൂട്ടിയുടെ

Spread the love
Movie News

കറുപ്പിന്റെ കഥയുമായി ഒരു വിദ്യാലയം

രാജ്യത്ത് ആദ്യമായി സ്വപ്രയത്‌നത്തിലൂടെ സിനിമ പിടിച്ച നാഷണല്‍ സര്‍വീസ് സ്‌കീം യൂണിറ്റ് എന്ന ഖ്യാതി ഇനി കണ്ണൂര്‍ വെങ്ങാട് ഹയര്‍ സെക്കന്‍ഡറി സ്‌കൂളിന് സ്വന്തം. സംസ്ഥാന ചലച്ചിത്ര അവാര്‍ഡ് ജേതാവ് ടി ദീപേഷിന്റെ ‘കറുപ്പ്’ എന്ന സിനിമയാണ് ചരിത്രത്തില്‍ ഇടം പിടിക്കാനൊരുങ്ങുന്നത്.

Spread the love

0 Comments

No Comments Yet!

You can be first to comment this post!

Leave a Reply