കടലമ്മയുടെ സ്വന്തം രേഖ : ആഴക്കടലിലെ പെൺകരുത്ത്‌

കടലമ്മയുടെ സ്വന്തം രേഖ : ആഴക്കടലിലെ പെൺകരുത്ത്‌

ഷമീം റഫീഖ്‌ ( ബിസിനസ് കോച്ച് & കോര്‍പ്പറേറ്റ് ട്രെയിനര്‍ )

ആഴക്കടലിൽ പോയി കൊമ്പൻ സ്രാവിനെ പിടിക്കുന്ന നിരവധി നായകന്മാരുടെ കഥപറഞ്ഞ നാടാണ് നമ്മുടേത്. ചെമ്മീനിലെ പഴനിയും, അമരത്തിലെ അച്ചൂട്ടിയും ഒക്കെ ഈ കരുത്തു തെളിയിച്ചതാണ്. പക്ഷെ ഇന്നുവരെ ഒരു നായികയും കടലിൽ പോയ കഥ നമ്മൾ കേട്ടിട്ടില്ല. ഇന്ത്യയിൽ ആഴക്കടലിൽ പോയി മീൻ പിടിക്കാൻ ലൈസൻസുള്ള ഏക വനിത നമ്മുടെ കൊച്ചു കേരളത്തിലെ ചേറ്റുവ സ്വദേശിനി രേഖയാണെന്നറിയുമ്പോൾ ഈ ലോക വനിതാ ദിനത്തിന് മധുരമേറും! ജീവിത സാഹചര്യങ്ങൾ കൊണ്ട് ഭർത്താവ് കാർത്തികേയനൊപ്പം എല്ലാ ദിവസവും കടലിൽ പോവേണ്ടി വന്നതാണ് രേഖയ്ക്ക്.

 

വീട്ടുകാരെ വെറുപ്പിച്ചു പ്രണയ വിവാഹം കഴിച്ചു ചേറ്റുവയുടെ മരുമകളായെത്തിയ രേഖയ്ക്ക് കടൽ എന്നും പേടിയായിരുന്നു. ആദ്യകാലത്ത് വല്ലപ്പോഴുമൊക്കെ അടുക്കളയിൽ ‍നിന്നു രേഖ മീൻ‍വല നുള്ളാൻ‍ കടൽ‍ക്കരയിലെത്തി. ജീവിത പ്രാരാബ്ദം ഏറിവരികയായിരുന്നു. മക്കൾ നാലായി. നാലും പെണ്മക്കൾ. കിടക്കാനൊരു വീടില്ലാതെ ഗുരുവായൂർ അമ്പല നടയിൽ‍ പോലും അന്തിയുറങ്ങേണ്ടിവന്നു. ആത്മധൈര്യം ഒരു നാൾ‍ രേഖയെക്കൊണ്ടു ഭർത്താവിനോട് പറയിപ്പിച്ചു: ഞാനുമുണ്ട് നിങ്ങളുടെ കൂടെ.

 

പെണ്ണ് കടലിൽ‍ ഇറങ്ങിയാൽ‍ കടലമ്മ കോപിക്കും. മീന്‍ കിട്ടില്ല. ഭീഷണികളുടെ അടങ്ങാത്തിരമാലകൾ‍ പിന്നാലെ വന്നു. പെണ്ണ് കടലിലിറങ്ങിയാൽ‍ മരിച്ചുപോകുമെന്ന് മക്കളെ പേടിപ്പിച്ചു. ഭാര്യയെ കടലിൽ‍ ഇറക്കിയവനെന്ന പരിഹാസമായിരുന്നു കാർ‍ത്തികേയനു നേരെ. പക്ഷേ മുന്നിലുള്ള ജീവിത യാഥാര്‍ത്ഥ്യങ്ങൾ രേഖയെ പിന്തിരിപ്പിച്ചില്ല. അവൾ‍ക്കു മുന്നിൽ പരിഹാസവും ഭീഷണിയും വിലപ്പോയില്ല. മകൾ‍ക്ക് കടലമ്മ വാരികോരി കൊടുത്തു. പതുക്കെ ജീവിതം കരയ്ക്കടുത്തു. കടലിൽ‍ പോവുമ്പോൾ‍ മാത്രമല്ല, വലയെറിയുമ്പോൾ മാത്രമല്ല, ഹാർ‍ബറിൽ മീൻ‍ വിൽ‍ക്കുമ്പോഴും ഇരുവരും ഒന്നിച്ചുനിന്നു.

 

പുതിയൊരു ബോട്ട്. പണിമുടക്കാത്ത എന്‍ജിനുള്ള പുതിയൊരു ബോട്ട്. അതുമാത്രം മതി രേഖയ്ക്ക് സ്വപ്നങ്ങളെയും ഭാവിയെയും വലവീശിപ്പിടിയ്ക്കാൻ‍. ഇനിയെല്ലാം കരയിലെ ജീവിതയാഥാർ‍ത്ഥ്യങ്ങളാണ്. അവിടെ നാലുമക്കളുണ്ട്. പണി തീരാത്തൊരു വീടുണ്ട്. എണ്ണിയാൽ‍ തീരാത്ത കടങ്ങളുണ്ട്. ജീവിത സാഹചര്യങ്ങളോട് പൊരുതുന്ന ഈ നാല്പത്തഞ്ചുകാരിയുടെ സ്വപ്‌നങ്ങൾ കടലമ്മ പൂവണിയിക്കട്ടെ. എന്ത് തൊഴിലും ചെയ്യാനാവും എന്ന് തെളിയിച്ച ഇവർ എല്ലാ വനിതകൾക്കും മാതൃകയാവട്ടെ ഈ ലോക വനിതാ ദിനത്തിൽ! ലോക വനിതാ ദിനാശംസകൾ.

Spread the love
Previous ഫിലമെന്റ് രഹിത കേരളം : ഫിലമെന്റ് ബള്‍ബുകള്‍ മാറ്റിവാങ്ങാം
Next ദോശ സിംപിളാക്കാം; ലോണ്‍മാര്‍ക്ക് ദോശ ഓട്ടോമാറ്റിക് മെഷീനിലൂടെ

You might also like

Sports

48 വർഷങ്ങൾക്കു ശേഷം ട്രിപ്പിൾ ജമ്പിൽ സ്വർണം നേടി ഇന്ത്യ

നാല്പത്തിയെട്ടു വർഷത്തെ കാത്തിരിപ്പുകൾക്കു വിരാമം ഇട്ട് ട്രിപ്പിൾ ജമ്പിൽ സ്വർണം കരസ്ഥമാക്കിയിരിക്കുകയാണ് ഇന്ത്യ. പുരുഷ വിഭാഗം ട്രിപ്പിൾ ജമ്പിൽ പഞ്ചാബിലെ അമൃതസർ സ്വദേശി അർപീന്ദർ സിങ് ആണ് സ്വർണം നേടിയത്.  16. 77 മീറ്റർ ദൂരം താണ്ടിയാണ് അർപീന്ദർ സ്വർണം നേടിയത്.

Spread the love
NEWS

ഭാരതി ടെലികോം എയര്‍ടെല്ലിന്റെ 4.62% ഓഹരികള്‍ വാങ്ങുന്നു

ഇന്ത്യയിലെ ഏറ്റവും വലിയ ടെലികോം സേവന ദാതാക്കളായ എയര്‍ടെല്ലിന്റെ 4.62 ശതമാനം ഓഹരികള്‍ കൂടി സ്വന്തമാക്കുവാനുള്ള തയ്യാറെടുപ്പിലാണ് ഭാരതി എയര്‍ടെലിന്റെ ഉടമസ്ഥതയിലുള്ള ഭാരതി ടെലികോം. നാഷണല്‍ സ്റ്റോക്ക് എക്‌സ്‌ചേഞ്ചിനു നല്‍കിയ റിപ്പോര്‍ട്ട് പ്രകാരം ഭാരതി ടെലികോം എയര്‍ടെലിന്റെ 184,710,183 ഓഹരികളാണ് വാങ്ങുക.

Spread the love
Others

കൂടുതല്‍ പലിശ നേടാന്‍ പുതിയ നിക്ഷേപ പദ്ധതി

അറുപത് വയസിന് മുകളിലുള്ളവര്‍ക്കായി കേന്ദ്രസര്‍ക്കാര്‍ പുതിയ നിക്ഷേപ പദ്ധതി അവതരിപ്പിച്ചു. പ്രധാന്‍മന്ത്രി വയ വന്ദന യോജനയാണ് കഴിഞ്ഞദിവസം അരുണ്‍ ജെയ്റ്റലി ഉദ്ഘാടനം ചെയ്തത്. സര്‍ക്കാര്‍ സബ്‌സിഡിയുള്ള പെന്‍ഷന്‍ പദ്ധതിയാണ് പ്രധാന്‍മന്ത്രി വയാ വന്ദ യോജന. എല്‍ഐസി വഴി നടപ്പാക്കുന്ന ഈ പദ്ധതിയുടെ

Spread the love

0 Comments

No Comments Yet!

You can be first to comment this post!

Leave a Reply