പരിസ്ഥിതി സൗഹാര്‍ദ്ദത്തിന്റെ ‘റീസൈക്ക്‌ളിംഗ്’

പരിസ്ഥിതി സൗഹാര്‍ദ്ദത്തിന്റെ ‘റീസൈക്ക്‌ളിംഗ്’

പ്ലാസ്റ്റിക് മാലിന്യങ്ങള്‍ റീസൈക്കിള്‍ ചെയ്ത് പുതിയ ഉല്‍പ്പന്നങ്ങള്‍ തയ്യാറാക്കുന്ന രീതി വ്യാപകമായിട്ട് അധികകാലമായിട്ടില്ല. എന്നാല്‍ വര്‍ഷങ്ങള്‍ക്കു മുന്‍പുതന്നെ ഇത്തരമൊരു സംരംഭത്തിന്റെ സാധ്യതകള്‍ തിരിച്ചറിഞ്ഞ് ഈ മേഖലയില്‍ പ്രവര്‍ത്തിച്ചുതുടങ്ങിയൊരു സ്ഥാപനമുണ്ട്, കാരക്കാട് ആസ്ഥാനമാക്കി പ്രവര്‍ത്തിക്കുന്ന സൂര്യ ബോട്ടില്‍സ്.

പാലക്കാട് ജില്ലയിലെ കാരക്കാട് ഗ്രാമത്തിനൊരു പ്രത്യേകതയുണ്ട്, മാലിന്യങ്ങള്‍ റീസൈക്കിള്‍ ചെയ്ത് അതില്‍ നിന്നും വരുമാനം കണ്ടെത്തി ജീവിക്കുന്നവരാണ് ഇവിടെയുള്ളവരില്‍ അധികവും. അവര്‍ക്കിടയില്‍ നിന്നാണ് മുപ്പതുവര്‍ഷങ്ങള്‍ക്ക് മുന്‍പ് കെ.ടി അലി സ്വന്തമായൊരു സ്ഥാപനമെന്ന ആശയവുമായി മുന്നിട്ടിറങ്ങുന്നത്. പ്ലാസ്റ്റിക് സ്‌ക്രാപ്പുകള്‍, ഇരുമ്പ് സ്‌ക്രാപ്പുകള്‍ തുടങ്ങി റീസൈക്കിള്‍ ചെയ്ത് ഉപയോഗിക്കാവുന്ന മാലിന്യങ്ങളുടെ ശേഖരണത്തോടൊപ്പം മാലിന്യങ്ങള്‍ റീസൈക്കിള്‍ ചെയ്യാനുള്ള പ്ലാന്റുകളും ക്രാന്തദര്‍ശിയായ അദ്ദേഹം അക്കാലത്തുതന്നെ തുടങ്ങിയിരുന്നു.

പിതാവിന്റെ പാത പിന്തുടര്‍ന്ന്

ചെറുതെങ്കില്‍പോലും സാങ്കേതികപരവും അല്ലാത്തതുമായ അതിനൂതന ബിസിനസ് ആശങ്ങള്‍ എന്നും പ്രാബല്യത്തില്‍ വരുത്തിയിരുന്ന വ്യക്തിയാണ് കെ.ടി അലി. അദ്ദേഹത്തിന്റെ ചുവടുപിടിച്ചാണ് മകന്‍ കെ ടി ബഷീറും 2013ല്‍ സംരംഭക ലോകത്തേക്ക് ചുവടുവയ്ക്കുന്നത്. പാരമ്പര്യ ബിസിനസ് ആണെങ്കില്‍ക്കൂടി സ്വന്തമായി ചെയര്‍ റീസൈക്കഌംഗിന്റെ യൂണിറ്റ് ആരംഭിച്ചുകൊണ്ടായിരുന്നു ബഷീറിന്റെ കടന്നുവരവ്. പിതാവിന്റെ ശൈലി പിന്തുടര്‍ന്നുള്ള പ്രവര്‍ത്തനങ്ങള്‍ ഒരു വര്‍ഷത്തിനുള്ളില്‍ത്തന്നെ ബഷീറിന് നേട്ടമുണ്ടാക്കികൊടുത്തു. പരിസ്ഥിതി സൗഹാര്‍ദ്ദം എന്ന ആശയം തന്നെയാണ് സൂര്യ ബോട്ടില്‍സിനെ മുന്നോട്ടുള്ള വളര്‍ച്ചയില്‍ നയിക്കുന്നത്.

പ്രവര്‍ത്തനങ്ങള്‍

മാലിന്യ പ്രശ്‌നങ്ങള്‍ കേരളത്തില്‍ അനുദിനം വര്‍ധിച്ചുവരികയാണ്. പ്രകൃതിക്ക് ഏറെ ആഘാതമേല്‍ക്കുന്ന ഈ മാലിന്യങ്ങള്‍ എന്തുചെയ്യണമെന്ന് പലപ്പോഴും ആളുകള്‍ക്ക് ആശങ്കയുണ്ടാകാറുമുണ്ട്. ഈ സാഹചര്യത്തില്‍ റീസൈക്കിള്‍ ചെയ്ത് ഉപയോഗിക്കാന്‍ കഴിയുന്ന ഉല്‍പ്പന്നങ്ങളുടെ ഉപയോഗവും അവയുടെ പുനരുല്‍പ്പാദനവും വര്‍ധിപ്പിക്കേണ്ടതായുണ്ട്. ഇതിലൂടെ മാനില്യ സംസ്‌കരണ പ്രതിസന്ധികള്‍ക്ക് ഒരു പരിധിവരെ പരിഹാരം നേടാനുമാകും. ഈ സാധ്യതകളാണ് പ്ലാസ്റ്റിക്, കുപ്പി ഉല്‍പ്പന്നങ്ങളുടെ റീ സൈക്ലിങ് മേഖലയിലേക്ക് തന്നെ നയിച്ചതെന്ന് ബഷിര്‍ പറയുന്നു.

 

വിവിധ പ്രദേശങ്ങളില്‍ നിന്നും ശേഖരിക്കുന്ന ഉപയോഗശൂന്യമായ, റീസൈക്കിള്‍ ചെയ്ത് ഉപയോഗിക്കാനാകുന്ന പ്ലാസ്റ്റിക് ഉല്‍പ്പന്നങ്ങള്‍ മുറിച്ചെടുത്ത് യന്ത്രസാമഗ്രികളുടെ സഹായത്തോടെ ഗ്രൈന്‍ഡ് ചെയ്താണ് പുനഃരുപയോഗത്തിനായി ഒരുക്കുന്നത്. ഗ്രൈന്‍ഡിങ് സമയത്തുണ്ടാകുന്ന പൊടിപടലങ്ങള്‍ വൈബ്രേറ്ററിന്റെ സഹോയത്തോടെ മറ്റൊരു പാത്രത്തില്‍ ശേഖരിക്കും. ഇങ്ങനെ ലഭിക്കുന്ന ചിപ്‌സും പൊടിയും ഉല്‍പ്പന്നങ്ങളുടെ പുനര്‍നിര്‍മ്മാണം നടത്തുന്ന സ്ഥാപനങ്ങള്‍ക്ക് കൈമാറുന്നു. അതിനാല്‍ത്തന്നെ ഇത്തരം ഫാക്ടറികളുടെ പ്രവര്‍ത്തനങ്ങള്‍ പരിസര മലിനീകരണമോ വായു മലിനീകരണമോ സൃഷ്ടിക്കുന്നില്ല എന്നും അദ്ദേഹം വ്യക്തമാക്കുന്നു. എല്ലാ മുന്‍കരുതലുകളുമുള്ളതിനാല്‍ ഒരു തരത്തിലും പരിസ്ഥിതിയ്ക്ക് ദോഷം സംഭവിക്കാതിരിക്കുന്നു എന്ന ആശയം കൃത്യമായി പാലിക്കപ്പെടുകയും ചെയ്യും.

 

പ്രതിസന്ധികള്‍ തരണം ചെയ്ത വളര്‍ച്ച

പരിസ്ഥിതിക്ക് ഏറെ ദോഷം ചെയ്യുന്ന പ്ലാസ്റ്റിക് പോലുള്ള ഉല്‍പ്പന്നങ്ങളുമായി ബന്ധപ്പെട്ട പ്രവര്‍ത്തനങ്ങളാണ് നടത്തിവരുന്നത് എന്നതിനാല്‍ പ്രദേശ വാസികളില്‍ നിന്നും വളരെയധികം എതിര്‍പ്പുകള്‍ നേരിടേണ്ടിവന്നിട്ടുണ്ട്. എന്താണ് സ്ഥാപനത്തിന്റെ പ്രവര്‍ത്തനങ്ങളെന്ന് പൂര്‍ണമായ ധാരണ അവര്‍ക്കില്ലാത്തതാണ് ഇത്തരം പ്രശ്‌നങ്ങള്‍ ഉടലെടുക്കാനുണ്ടായ കാരണം. തദ്ദേശ സ്ഥാപനങ്ങളുടെ അനുമതിയോടെ പൊല്യൂഷന്‍ സര്‍ട്ടിഫിക്കറ്റുകളും മറ്റെല്ലാ അനുമതികളും നേടിയാണ് സ്ഥാപനത്തിന്റെ പ്രവര്‍ത്തനങ്ങളെന്നും ബഷിര്‍ വ്യക്തമാക്കുന്നു. നിലവില്‍ ശേഖരിച്ച വസ്തുക്കല്‍ പുനര്‍നിര്‍മ്മാണത്തിന് അനുയോജ്യമായ രീതിയിലേക്ക് മാറ്റി ഉല്‍പ്പന്ന നിര്‍മ്മാതാക്കളിലേക്ക് എത്തിക്കുകയാണ് ചെയ്തുവരുന്നത്. അധികം താമസിയാതെ ഒരു നിര്‍മ്മാണ യൂണിറ്റ് ആരംഭിക്കുകയാണ് തങ്ങളുടെ ലക്ഷ്യമെന്നും അദ്ദേഹം കൂട്ടിച്ചേര്‍ക്കുന്നു.

 

ഭാവി പദ്ധതികള്‍

റീസൈക്കിള്‍ ബിസിനസുകള്‍ക്ക് ഉപരിയായി നിരവധി പദ്ധതികള്‍ സൂര്യ ബോട്ടില്‍സ് വിഭാവനം ചെയ്യുന്നുണ്ട്. ചെയര്‍ മാനുഫാക്ചറിംഗും ഉദ്ദ്യേശമുണ്ട്. അറേബ്യന്‍ ഡിസൈനിലുള്ള ആഭരണങ്ങളുടെ വില്‍പനയാണ് കെ ടി ബഷീറിന്റെ മനസിലുള്ള മറ്റൊരു പദ്ധതി. നവീനശൈലിയിലും നിലവാരത്തിലുമുള്ള അറബിക് ആഭരണങ്ങള്‍ ആകര്‍ഷകമാണ്. ഇതിനോടൊപ്പം സ്വന്തം ബ്രാന്‍ഡില്‍ മികച്ച നിലവാരമുള്ള തുണിത്തരങ്ങളുടെ ഔട്ട്‌ലെറ്റുകളുമുണ്ടാകും.

Previous കേരളത്തില്‍ നിക്ഷേപം നടത്താന്‍ അബുദാബി ഇന്‍വെസ്റ്റ്‌മെന്റ് അതോറിറ്റിക്ക് ക്ഷണം
Next സ്വന്തം ജീവിതം സിനിമയാക്കാന്‍ കങ്കണ

You might also like

Business News

വന്‍ ഓഫറുമായി ഫ്‌ളിപ്കാര്‍ട്ട് ; 80 ശതമാനം വരെ വിലക്കിഴിവ്

മൂന്നു ദിവസത്തെ ബിഗ് ഷോപ്പിങ് ഡെയ്സ് സെയിലുമായി പ്രമുഖ ഇകൊമേഴ്സ് കമ്പനിയായ ഫ്‌ളിപ്കാര്‍ട്ട്. ഡിസംബര്‍ 6 മുതല്‍ 8 വരെയാണ് സെയില്‍ നടക്കുക.സ്മാര്‍ട് ഫോണുകള്‍, ഇലക്ട്രോണിക്സ് ഉപകരണ ങ്ങള്‍, ഫാഷന്‍ ഉല്‍പ്പന്നങ്ങള്‍ എന്നിവയ്ക്ക് 40 മുതല്‍ 80 ശതമാനം വരെയാണ് ഇളവുകള്‍

NEWS

ആമസോണിനെ പിന്‍തള്ളി ആലിബാബ; ഏകദിന വില്‍പനയില്‍ റെക്കോര്‍ഡ് നേട്ടം

ചൈനീസ് ഇ-കൊമേഴ്‌സ് ഭീമന്‍ ആലിബാബയുടെ വാര്‍ഷിക വില്പനയില്‍ റെക്കോര്‍ഡ് നേട്ടം. അമേരിക്കന്‍ ഭീമന്‍ ആമസോണിനെ പിന്‍തള്ളിയാണ് ഏകദിന വില്‍പനയില്‍ ആലിബാബ മുന്നോട്ട് കുതിച്ചിരിക്കുന്നത്. ആമസോണ്‍ നടത്തിയ വാര്‍ഷിക വില്‍പനയേക്കാള്‍ പതിന്‍മടങ്ങ് വില്‍പനയാണ് ആലിബാബ നടത്തിയത്. ഒരു ദിവസം കൊണ്ട് 21,350 കോടി

Sports

48 വർഷങ്ങൾക്കു ശേഷം ട്രിപ്പിൾ ജമ്പിൽ സ്വർണം നേടി ഇന്ത്യ

നാല്പത്തിയെട്ടു വർഷത്തെ കാത്തിരിപ്പുകൾക്കു വിരാമം ഇട്ട് ട്രിപ്പിൾ ജമ്പിൽ സ്വർണം കരസ്ഥമാക്കിയിരിക്കുകയാണ് ഇന്ത്യ. പുരുഷ വിഭാഗം ട്രിപ്പിൾ ജമ്പിൽ പഞ്ചാബിലെ അമൃതസർ സ്വദേശി അർപീന്ദർ സിങ് ആണ് സ്വർണം നേടിയത്.  16. 77 മീറ്റർ ദൂരം താണ്ടിയാണ് അർപീന്ദർ സ്വർണം നേടിയത്.

0 Comments

No Comments Yet!

You can be first to comment this post!

Leave a Reply