സ്വദേശ, വിദേശ വിപണി ലക്ഷ്യമിട്ട്  ടെയിസ്ട്രി ഫുഡ് ഇന്‍ഡസ്ട്രീസ്

സ്വദേശ, വിദേശ വിപണി ലക്ഷ്യമിട്ട് ടെയിസ്ട്രി ഫുഡ് ഇന്‍ഡസ്ട്രീസ്

ഏറെ പോഷകഗുണങ്ങളുള്ള കൊക്കോ കുരുവില്‍ നിന്നും ആധുനിക സാങ്കേതിക വിദ്യയില്‍ കൊക്കോ പൗഡറും, കൊക്കോ ബട്ടറും സംസ്‌കരിച്ചെടുത്ത് വിപണിയില്‍ എത്തിക്കുകയാണ് കോതമംഗലത്തിന് അടുത്തുള്ള കുട്ടമ്പുഴയില്‍ പ്രവര്‍ത്തിക്കുന്ന ടെയിസ്ട്രി ഫുഡ് ഇന്‍ഡസ്ട്രീസ്. ഔഷധ നിര്‍മാണ മേഖലയിലും ബേക്കറി ഉല്‍പ്പാദന മേഖലയിലും ഗുണനിലവാരമുള്ള കൊക്കോ ഉല്‍പ്പന്നങ്ങളുടെ വന്‍തോതിലുള്ള ആവശ്യം മനസിലാക്കിയ ടെയിസ്ട്രി ഫുഡ് ഇന്‍ഡസ്ട്രീസിന്റെ പ്രയോജകര്‍ രണ്ട് വര്‍ഷത്തോളമായി നടത്തിവന്ന ഗവേഷണ നിരീക്ഷണങ്ങള്‍ക്കൊടുവില്‍ വിജയകരമായി വികസിപ്പിച്ചെടുത്തവയാണ് ഈ ഉല്‍പ്പന്നങ്ങള്‍. വരും ദിവസങ്ങളില്‍ ഉല്‍പ്പാദനം കൂട്ടി വിപണിയില്‍ സ്വന്തം ഇടം കണ്ടെത്താനുള്ള ശ്രമത്തിലാണ് സ്ഥാപകരായ ജെയിംസണ്‍ സി ജെയും ദമ്പതികളായ എല്‍ദോസ് ഏലിയാസ്, എല്‍സ ബേബി എന്നിവര്‍.

എറണാകുളം ജില്ലയുടെ കിഴക്കന്‍ മേഖലയിലും ഇടുക്കി ജില്ലയിലും ലഭ്യമായ ഉയയര്‍ന്ന നിലവാരമുള്ള കൊക്കോ കുരുവില്‍ നിന്നും വര്‍ദ്ധിത മൂല്യമുള്ളതും വിപണന സാധ്യത ഏറെയുള്ളതുമായ ഉല്‍പ്പന്നങ്ങള്‍ ഉണ്ടാക്കി എടുക്കണമെന്നുള്ള ദൃഢനിശ്ചയമാണ് ടെയിസ്ട്രിയുടെ ഉല്‍ഭവത്തിന് കാരണമായത്. കഴിഞ്ഞ ഓഗസ്റ്റ് ആറിന് കോതമംഗലം എംഎല്‍എ ആന്റണി ജോണ്‍ നാട മുറിച്ച് ഉദ്ഘാടനം ചെയ്തു. തികച്ചും പ്രകൃതിദത്തമായ കര്‍ശന ഗുണനിലവാര നിയന്ത്രണങ്ങളോടെ യാതൊരു രാസചേരുവകളും ഇല്ലാതെ നിര്‍മിക്കുന്ന കൊക്കോ പൗഡറും, കൊക്കോ ബട്ടറും സ്വദേശത്തും വിദേശത്തുമുള്ള വിപണികളെയാണ് ലക്ഷ്യം വെക്കുന്നത്.

തനിമയുള്ള സ്വാദും ഗുണമേന്മയും

ഹൈറേഞ്ച് മേഖലയില്‍ ഓര്‍ഗാനിക് രീതിയില്‍ വളര്‍ത്തുന്ന കൊക്കോ ചെടികളില്‍ നിന്നു ലഭിക്കുന്ന കൊക്കോ കുരുവാണ് ടെയിസ്ട്രി സ്വന്തം ഫാക്ടറിയില്‍ ഉപയോഗിക്കുന്നത്. ഇതിലൂടെയാണ് കൊക്കോ പൗഡറും കൊക്കോ ബട്ടറും ഉല്‍പ്പാദിപ്പിക്കുന്നത്. ടെയിസ്ട്രി നേരിട്ട് കര്‍ഷകരില്‍ നിന്ന് കൊക്കോ കുരു ശേകരിച്ച് ഫാക്ടറിയില്‍ സംസ്‌കരിക്കുകയാണ് ചെയ്യുന്നത്. അതിനാല്‍ കൂട്ടിചേര്‍ക്കലുകള്‍ ഇല്ലെന്ന് ഉറപ്പിക്കാനാകുന്നു. സമീപഭാവിയില്‍ നിലവിലുള്ള 100 കിലോഗ്രാം ഉല്‍പ്പാദന ശേഷി മൂന്ന് മടങ്ങായി ഉയര്‍ത്തി വിപണിയില്‍ എത്തിക്കാനും ലക്ഷ്യമിടുന്നു.

ശുചിത്വമുള്ള ഫാക്ടറി

ടെയിസ്ട്രിയുടെ ഫാക്ടറി തികച്ചും ശുചിത്വമുള്ളതും പ്രകൃതിസൗഹാര്‍ദ്ദവുമാണ്. ഫുഡ് സേഫ്ടി സ്റ്റാന്‍ഡേര്‍ഡ് അനുസരിച്ചുള്ള ഗുണനിലവാരം ഇവിടെ ഉറപ്പുവരുത്തുന്നുണ്ട്. ഗുണമേന്മയുള്ള കൊക്കോ ബീന്‍സ് തിരഞ്ഞെടുക്കുന്നതിനുമുപരി സംസ്‌കരണത്തിലും ഗുണമേന്മ ഉണ്ടായിരിക്കണമെന്ന നിഷ്‌കര്‍ഷതയോടെയാണ് പ്രായോജകര്‍ യന്ത്ര സാമഗ്രികള്‍ രൂപപ്പെടുത്തിയിരിക്കുന്നത്. കൃത്രിമ നിറങ്ങളോ രുചികളോ മറ്റേതെങ്കിലും രാസവസ്തുക്കളോ ഇവിടെ ചേര്‍ക്കുന്നില്ല.

വിഷന്‍

ഡാര്‍ക് ചോക്ലേറ്റ് നിര്‍മിക്കുന്ന സ്ഥാപനങ്ങള്‍ കേരളത്തില്‍ വളരെ അപൂര്‍വമായതിനാലും സാധ്യതകള്‍ കൂടുതലായതിനാലും ഭാവിയില്‍ ഡാര്‍ക് ചോക്ലേറ്റ് ഉല്‍പ്പാദിപ്പിക്കാനൊരുങ്ങുകയാണ് ടെയിസ്ട്രി. ചോക്ലേറ്റും അനുബന്ധ ഉല്‍പ്പന്നങ്ങള്‍ നിര്‍മിച്ചും വിപണനം ചെയ്യുന്നതിലൂടെ ഇന്ത്യയിലെ തന്നെ പ്രശസ്ത വ്യവസായ സംരംഭമായി വളരുക എന്നതാണ് ടെയിസ്ട്രി ഫുഡ് ഇന്‍ഡസ്ട്രീസിന്റെ ലക്ഷ്യം.

Spread the love
Previous ക്ഷീരവിപ്ലവത്തിന് കരുത്തേകി സാപിന്‍സ്
Next ഇരുവശത്തും ഡിസ്പ്ലെയുമായി നൂബിയ എക്സ് സ്മാര്‍ട്ഫോണ്‍

You might also like

SPECIAL STORY

സാധ്യതകള്‍ അനവധിയുള്ള ശീതള പാനീയ വ്യവസായം

ബൈജു നെടുങ്കേരി കേരളത്തില്‍ ശീതള പാനീയങ്ങള്‍ക്ക് എന്നും നല്ല വിപണിയാണുള്ളത്. മണ്‍സൂണ്‍ കാലത്ത് വില്‍പ്പനയില്‍ നേരിയ ഇടിവ് അനുഭവപ്പെടുന്നുണ്ടെങ്കിലും ബാക്കിയുള്ള ഒന്‍പത് മാസങ്ങള്‍ നല്ല വില്‍പ്പന കാലമാണ്. ചെറിയ കടകള്‍ മുതല്‍ വലിയ ഷോപ്പിംഗ് മാളുകള്‍ വരെ വില്‍പ്പന കേന്ദ്രങ്ങളാണ്. പലപ്പോഴും

Spread the love
Business News

ആകാശയാത്രക്കും ഷെയര്‍ ടാക്‌സി

എയര്‍ ടാക്‌സിയുമായി യൂബര്‍ എത്തുന്നു. നാലു പേര്‍ക്ക് യാത്ര ചെയ്യാവുന്ന വിധത്തിലുള്ള ചെറിയ ഇലക്ട്രിക് എയര്‍ക്രാഫ്റ്റുകളാണ് യൂബര്‍ ഇതിനായി തെരഞ്ഞെടുത്തിരിക്കുന്നത്. സ്വന്തം കാര്‍ ഉപയോഗിക്കുന്നതിലും കുറഞ്ഞ ചെലവില്‍ ആകാശയാത്ര സാധ്യമാക്കുകയാണ് കമ്പനിയുടെ പ്ലാന്‍. ഇലക്ട്രിക് എയര്‍ ക്രാഫ്റ്റായതിനാല്‍ മലിനീകരണത്തിന്റെ പ്രശ്‌നവും ഉണ്ടാകുന്നില്ല.

Spread the love
Entrepreneurship

മെഴുകുതിരി നിര്‍മിച്ച് ജീവിതത്തിന് വെളിച്ചം പകരാം

ഹോള്‍സെയിലായും റീട്ടെയ്‌ലായും ചെയ്ത് ലാഭം സ്വന്തമാക്കാവുന്ന വ്യവസായമാണ് മെഴുകുതിരി നിര്‍മാണം. വീട്ടിലോ വാകയ്‌ക്കോ കടയെടുത്ത് സ്ത്രീങ്ങള്‍ മെഴുകുതിരി കൂടുതലായും മതപരമായ ആവശ്യത്തിനും അലങ്കാരത്തിനും മറ്റുമായാണ് ഉപയോഗിക്കുന്നത്. അതിനാല്‍ത്തന്നെ പരമ്പരാഗത നീണ്ട വെള്ളനിറത്തിലുള്ള മെഴുകുതിരിക്ക് പുറമെ, വിവിധ അലങ്കാര മെഴുകുതിരികള്‍ക്കും ഇന്ന് ആവശ്യക്കാരേറുന്നു.

Spread the love

0 Comments

No Comments Yet!

You can be first to comment this post!

Leave a Reply